الماتىدا ءانشى قايرات نۇرتاستىڭ اناسى جول-كولىك وقيعاسىنا ۇشىرادى

استانا. قازاقپارات - الماتىدا كوپشىلىكتىڭ سۇيىكتى ءانشىسى قايرات نۇرتاستىڭ اناسى ءارى پروديۋسەرى گۇلزيرا ايداربەكوۆا جول-كولىك وقيعاسىنا ۇشىرادى.

ول «لەكسۋس» كولىگىمەن باعدارشامى جۇمىس ىستەمەي تۇرعان قيىلىسقا شىعىپ كەتىپ، باسقا ماشينالارعا جول بەرگىسى كەلمەگەن. ال جۇرگىزۋشىلەر وقىستان شىعا كەلگەن كولىكتىڭ قوزعالىسىنا رەاكسيا ءبىلدىرىپ ۇلگەرمەگەن. ناتيجەسىندە گ. ايداربەكوۆا ءبىر جەڭىل كولىكتى سوعىپ وتكەن.

تاعى ءبىر كولىكتىڭ جۇرگىزۋشىسى بۇل ساتتە تەجەگىشتى باسىپ ۇلگەرمەي، ءانشىنىڭ اناسىنىڭ ماشيناسىنا سوعىلعان. ابىروي بولعاندا، كولىكتەردىڭ جىلدامدىعى تومەن بولعاندىقتان، زارداپ شەككەندەر بولعان جوق. تەك اپات سەبەپكەرى بولعان «لەكسۋس» كولىگى ازداعان زارداپ شەككەن.

ەندى گۇلزيرا ايداربەكوۆاعا ءوز كولىگىن جوندەتۋدەن باسقا، زاقىم كەلگەن باسقا دا كولىكتەردىڭ يەلەرىنە وتەماقى تولەۋىنە تۋرا كەلۋى مۇمكىن، دەپ حابارلايدى ك ت ك تەلەارناسى.