اتاتۇرىكتىڭ سۋرەتى مەن قولتاڭباسى گيننەستىڭ رەكوردتار كىتابىنا ەنۋى مۇمكىن
ايتۋلى شارا 1922 - جىلى 26 - تامىزدا اتاتۇرىكتىڭ دۇشپاندارىنا قارسى ۇلكەن جورىققا شىققان تاريحي كۇنىنە ورايلاستىرىلدى. سوندىقتان ونى تاماشالاۋعا جەرگىلىكتى تۇرعىندارمەن قاتار شەتەلدىك ساياحاتشىلار دا ارنايى كەلدى.
تۇركيادا تۇڭعىش پرەزيدەنت مۇستافا كەمال اتاتۇرىككە دەگەن حالىقتىڭ ىقىلاسى ەرەكشە. الماعايىپ زاماندا ەلدىڭ اۋماقتىق تۇتاستىعى مەن ۇلت بىرلىگىن ساقتاپ قالعانى ءۇشىن حالىق ونى كۇللى تۇرىكتىڭ اتاسى رەتىندە قۇرمەتتەيدى. سوندىقتان انكاراداعى انىت قابىر كەسەنەسىنەجيىلعان ەل- جۇرتتىڭ قاراسى كوپ بولدى.
كوپشىلىكتىڭ نازارىنا الاڭداعى 6 مىڭ ەرىكتى قاتارلاسا تۇرىپ، ۇلت قايراتكەرىنىڭ كەسكىن- كەلبەتى مەن جەكە قولتاڭباسىن كورسەتتى. ولار جارتى ساعات بويى قولدارىن جۇرەك پىشىندەس ەتىپ، بۇكىل الەمدى ماحاببات پەن بەيبىتشىلىككە شاقىردى. بۇل شارا مۇستافا كەمالدىڭ الەمدەگى ەڭ ۇلكەن سۋرەتى رەتىندە گيننەستىڭ رەكوردتار كىتابىنا تىركەلۋى مۇمكىن. بۇعان قاتىستى ناقتى شەشىمدى گيننەستەن كەلگەن ارنايى كوميسسيا جۋىق ارادا جاريالايتىن بولادى.