توعىز جاسار قىز ابايسىزدا نۇسقاۋشىسىن اتىپ ءولتىردى
09:41, 28 - تامىز 2014
استانا. قازاقپارات - امەريكانىڭ اريزونا شتاتىندا 9 جاسار قىز ابايسىزدا نۇسقاۋشىنى اتىپ الدى. نۇسقاۋشى قىزعا اۆتوماتتى قارۋدى پايدالانۋدى ۇيرەتىپ جاتقان بولاتىن.
قىز «ۋزي» پيستولەت-پۋلەمەتىن قولعا الىپ، نىساناعا وق جاۋدىرا باستاعان. الايدا ءبىرىنشى وقتى اتقاننان سوڭ-اق قارۋعا يە بولا الماي، كەلەسى وقتار نۇسقاۋشىعا دارىعان.
39 جاستاعى چارلز ۆاككا تىك ۇشاقپەن دەرەۋ اۋرۋحاناعا جەتكىزىلدى. الايدا باسىنداعى جاراقاتىنىڭ سالدارىنان قازا تاپتى.
اتىس الاڭىنا قىزدى اتا-اناسى اكەلگەن. ولار بولعان جاعدايعا كۋا بولعان.
امەريكا شتاتتارىنىڭ كوبىندە بالالاردى كىشكەنتاي كەزىنەن قارۋدى پايدالانۋعا ۇيرەتەدى. الايدا قاۋىپسىزدىك شارالارىنىڭ قاتاڭ ساقتالۋى مۇنداي وقيعالاردىڭ بولۋىنا جول بەرمەيدى.