ەردوعان سىرتقى ىستەر ءمينيسترى احمەت ءداۋىتوعلىنى پرەمەر- مينيستر ەتىپ تاعايىندادى
21:04, 28 - تامىز 2014
استانا. قازاقپارات - تۇركيا پرەزيدەنتى لاۋازىمىنا بۇگىن كىرىسكەن تاييپ ەردوعان احمەت ءداۋىتوعلىنى پرەمەر- ءمينيسترى ەتىپ تاعايىندادى. سونداي-اق، ەلدىڭ جەتەكشى ادىلدىك پەن دامۋ پارتياسىنىڭ كوشباسشىسى بولىپ سايلاندى، دەپ حابارلادى ر ب ك.
بۇدان بۇرىن ءداۋىتوعلى تۇركيانىڭ سىرتقى ىستەر ءمينيسترى لاۋازىمىن اتقاردى، ونىڭ جاڭا تاعايىندالۋى كۇتىلگەن جاعداي بولاتىن.
ەردوعان 10 - تامىزدا وتكەن العاشقى تۇركيا پرەزيدەنتىن تىكەلەي سايلاۋدا جەڭىسكە جەتتى. زاڭناماعا وزگەرىس 2012 - جىلعى قاڭتاردا ەنگىزىلدى. ال 1923 - جىلدان باستاپ مەملەكەت باسشىسىن پارلامەنت سايلاپ كەلگەن.
ەردوعان تۇرىك ۇكىمەتىن 2003 - جىلعى ناۋرىزدان باستاپ باسقارىپ كەلەدى، وعان دەيىن ىستامبۇل مەرى بولعان. سايلاۋ الدى ۇگىت- ناسيحات بارىسىندا ول سايلاۋشىلارعا تۇركيانى الەمدەگى كوشباسشى ەلگە اينالدىرۋعا، نەگىزگى زاڭعا پرەزيدەنتكە بارىنشا وكىلەتتىك بەرەتىن وزگەرىستەر ەنگىزۋگە ۋادە بەردى.