پ. پوروشەنكو ۋكرايناداعى قانتوگىستى توقتاتۋدىڭ جالعىز جولىن اتادى
Reuters اگەنتتىگىنىڭ حابارلاۋىنشا، پ. پوروشەنكو مينسكىدەگى كەلىسسوزدەر بارىسىندا «الەمنىڭ جانە ەۋروپانىڭ تاعدىرى» شەشىلەتىندىگىن ءمالىم ەتكەن. ۋكراينا پرەزيدەنتى رەسەي، بەلارۋس جانە قازاقستان كوشباسشىلارىن ونىڭ بەيبىت جوسپارىن قابىلداۋعا جانە كەپىلدىك بەرۋگە شاقىردى. ياعني، بەيبىت رەتتەۋ بارىسىندا دونەتسك پەن لۋگانسك وبلىستارى تۇرعىندارىنىڭ مۇددەلەرى ەسكەرىلۋى ءتيىس.
يتار-تاسس اقپاراتىنا قاراعاندا ، كەلىسسوزدەر بارىسىندا ۆ. پۋتين دە ۋكراينانىڭ وڭتۇستىك شىعىسىنداعى داعدارىستان شىعۋ جولدارىنا قاتىستى ءوز ويلارىمەن بولىسكەن.
سونىمەن قاتار كەيبىر اقپاراتتار بويىنشا، بۇگىن پوروشەنكو مەن پۋتين ەكىجاقتى كەزدەسۋ وتكىزەتىن بولادى.
ايتا كەتەرلىگى، بۇعان دەيىن رەسەي پرەزيدەنتىنىڭ باسپا ءسوز حاتشىسى دميتري پەسكوۆ پۋتين مەن پوروشەنكونىڭ ەكىجاقتى كەزدەسۋىندە جالپى ۋكرايندىق داعدارىس، ۇرىس بارىسىندا زارداپ شەككەن اۋداندارعا گۋمانيتارلىق كومەك كورسەتۋ، بوسقىندار ماسەلەسى، سونىمەن قاتار ۋكراينا مەن ە و اراسىنداعى قاۋىمداستىق تۋرالى كەلىسىمگە قول قويۋ اياسىنداعى ماسكەۋ مەن كيەۆتىڭ قارىم-قاتىناسىنا قاتىستى ماسەلەلەر تالقىلانۋى مۇمكىن ەكەندىگىن ءمالىم ەتكەن بولاتىن.