جىلاننىڭ كەسىلگەن باسى اسپازشىنى شاعىپ الدى
قىتايدىڭ وڭتۇستىگىندە جاعا ۇستاتار جاعداي ورىن الدى: اسپازشىنى ءولى جىلان شاعىپ العان. قىتايدا جىلان ەتىنەن تاڭسىق اس دايىندايتىن اسپازشىلار ەندىگى جەردە جورعالاۋشىلاردىڭ وسىناۋ ءتۇرىنىڭ ءولى دەنەسىن دە ابايلاپ قولداناتىن بولدى. ءبىز ءسوز ەتكەن اسپازشى كوبرانىڭ باسىن كەسۋ ءۇشىن جيىرما مينۋتىن سارپ ەتكەن ەكەن.
تارقاتىپ ءارى ناقتىراق ايتقاندا، فوشان قالاسىنىڭ پەنگ فان ەسىمدى باس اسپازشىسى كوبرا ەتىنەن تاعام تۇرلەرىن دايىندايتىن. ادەتتەگىشە ول كوبرانىڭ باسىن كەسىپ، بولەك قويادى دا ەتىن بورشالاۋعا كىرىسەدى. جارتى ساعاتتان كەيىن ول جىلاننىڭ باسىن قوقىسقا تاستاۋ ءۇشىن قولىن سوزادى. سول كەزدە دەنەسىنەن ءبولىنىپ قالعان كوبرانىڭ باسى ادامعا شابادى. اسپازشى جەدەل جاردەم كەلىپ جەتكەنشە جان تاپسىرادى. وسى ارادا ايتا كەتۋ كەرەك، دەنەسىنەن ءبولىنىپ قالعان جىلاننىڭ باسى ءبىر ساعاتتاي ۋاقىت جىبىرلاپ جاتۋى مۇمكىن، الايدا، ادامعا شاباتىنى سيرەك كەزدەسەتىن وقيعا. «جىلاندى ءۇش كەسسەڭ دە كەسىرتكەلىك ءالى بار» دەگەن اتا- بابا ءسوزىنىڭ جانى بار.
«الاش ايناسى»