اقتوبەدە سوتتالعاندار شەتەلدەرگە بارىپ دەمالىپ قايتقان
11:17, 26 - تامىز 2014
اقتوبە. قازاقپارات - اقتوبە وبلىسىندا باس بوستاندىعىنان ايىرىلعانداردىڭ زاڭسىز ەل اۋماعىنان تىسقارى جەرلەرگە ساپارعا شىققانى بەلگىلى بولدى،
دەپ حابارلايدى وبلىستىق پروكۋراتۋرانىڭ باسپا ءسوز قىزمەتىنەن.
تەكسەرۋ بارىسىندا سوتتالعان 10 ادامنىڭ قازاقستان اۋماعىنان ەركىن شىعىپ، جاقىن شەتەلدەرگە دەمالۋعا جانە جەكە ىستەرىمەن بارعانى انىقتالدى.
اتالعان زاڭبۇزۋشىلىقتاردىڭ انىقتالۋى ناتيجەسىندە وبلىستىڭ قىلمىستىق- اتقارۋ جۇيەسى دەپارتامەنتىنىڭ 6 لاۋازىمدى تۇلعاسى تارتىپتىك جاۋاپكەرشىلىككە تارتىلدى. باس بوستاندىعىنان ايىرىلعاندارعا دا تارتىپتىك ايىپ تاعىلدى.