ۋكراينا پرەزيدەنتى جوعارعى رادانىڭ وكىلەتتىلىگىن مەرزىمىنەن بۇرىن توقتاتتى
10:32, 26 - تامىز 2014
استانا. قازاقپارات - ۋكراينا پرەزيدەنتى پەتر پوروشەنكو جوعارعى رادانىڭ وكىلەتتىلىگىن توقتاتۋ جانە كەزەكتەن تىس سايلاۋ ۇيىمداستىرۋ شەشىمىن قابىلدادى،
دەپ حابارلادى يتار- تاس پرەزيدەنتتىڭ باسپا ءسوز حاتشىسى سۆياتوسلاۆ تسەگولكوعا سىلتەمە جاساپ.
«بۇل ەڭ دۇرىس شەشىم» ، دەپ جازدى ول Twitterدەگى پاراقشاسىندا.
باسپاءسوز حاتشىسىنىڭ سوزىنە قاراعاندا، پرەزيدەنت «دەموكراتيالىق ساياسي كۇشتەردى سايلاۋعا قاتىسۋعا شاقىردى» .
رادانىڭ جاڭا قۇرامىن سايلاۋ 2014 - جىلدىڭ 26 - قازانىنا جوسپارلانعان، دەلىنگەن پوروشەنكونىڭ رەسمي سايتىندا جاريالانعان دەرەكتە.