ليۆيا مەن يراكتاعى قاقتىعىس مۇناي باعاسىن قىمباتتاتۋعا سوقتىردى

ماسكەۋ. قازاقپارات - تاڭەرتەڭنەن باستاپ الەمدىك نارىقتا تومەندەگەن مۇناي باعاسى ليۆيا مەن يراكتاعى جالعاسىپ جاتقان قاقتىعىس سالدارىنان كۇندىز قايتا ءوستى.

بۇدان باسقا، مۇناي نارىعىنىڭ قاتىسۋشىلارى 26- تامىزدا مينسكىدە رەسەيلىك-ۋكرايندىق كەلىسسوزدەردى كۇتۋدە.

ماسكەۋ ۋاقىتى بويىنشا 14:47-دە لوندوندىق ICE Futures بيرجاسىندا Brent مۇنايىنا وكتيابر فيۋچەرسى باررەلىنە 0,25 پايىزدان 102,55 دوللارعا دەيىن قىمباتتادى. نيۋ-يورك تاۋارلىق بيرجانىڭ (NYMEX) ەلەكتروندىق ساۋدا-ساتتىعىندا وكتيابرگە WTI مۇنايىنا فيۋچەرس بەلگىلەۋ وسى ۋاقىتتا باررەلىنە 0,16 پايىزدان 93, 80 دوللارعا دەيىن كوتەرىلدى، دەپ حابارلادى «فينماركەت».

ليۆيادا مۇناي ءوندىرىسى يسلام راديكالدىق توبى تريپولي حالىقارالىق اۋەجايىن باسىپ العانىنا قاراماستان، تاۋلىگىنە 656 مىڭ باررەلگە دەيىن ۇلعايدى. الايدا ينۆەستورلار يسلامشىلار بەلسەندىلىگىنىڭ ارتۋىنا الاڭداۋلى.

«وتكەن دەمالىستا ليۆياداعى اۋەجايدى باسىپ الۋ نارىققا ەسكەرتۋ بولۋى ابدەن مۇمكىن»، - دەپ اتاپ ءوتتى كوپەنگاگەندەگى Saxo Bank شيكىزات سەكتورىنىڭ تالداۋشىسى ولە حانسەن.