بيىل وڭىردەگى 399 مەكتەپ ءوز شاكىرتتەرىنە ەسىگىن ايقارا اشۋعا دايىن. ال، وبلىستىڭ قازتالوۆ، تەرەكتى، ءبورلى، اقجايىق، قاراتوبە جانە جانىبەك اۋداندارىنا قاراستى اۋىلداردا 8 باستاۋىش مەكتەپ جۇمىسىن توقتاتادى. بۇعان باستى سەبەپ - بالالار سانىنىڭ جەتىسپەۋشىلىگى. سونىمەن قاتار، تاعى 4 مەكتەپتىڭ وقىتۋ جۇيەسى وزگەرەدى. ياعني، شاكىرت سانىنىڭ ازايۋىنا بايلانىستى جاڭا وقۋ جىلىن 11 جىلدىق ءبىر ءبىلىم وشاعى نەگىزگى مەكتەپ رەتىندە، ال ۇشەۋى باستاۋىش مەكتەپ سيپاتىندا باستايدى.
بۇل تۋرالى وبلىستىق ءبىلىم باسقارماسى باسشىلارى ارنايى وتكىزگەن بريفينگتە ءمالىم ەتىلدى.
نۇرلان سابىروۆ، وبلىستىق ءبىلىم باسقارماسى باسشىسىنىڭ ورىنباسارى:
- نورماتيۆتە ايتىلعان، ەگەر دە مەكتەپ جاسىنداعى بالالاردىڭ سانى بەسەۋدەن كەم بولماسا، ول جەردە مەكتەپ جۇمىس ىستەۋى كەرەك باستاۋىش. سونداي قاعيداعا سايكەس كەلمەگەندىكتەن، اتالعان مەكتەپتەر بالا سانى بولماعاسىن جابىلىپ وتىر.
«حابار» تەلەارناسى