برازيليالىق تۇرمەدەگى بۇلىك: ەكى ادامنىڭ باسى كەسىلدى
09:40, 25 - تامىز 2014
استانا. قازاقپارات - برازيليانىڭ پارانا شتاتىنداعى تۇرمەدە شىققان بۇلىك سالدارىنان 4 سوتتالۋشى قازا تاپتى.
بيلىك وكىلدەرىنىڭ سوزىنە قاراعاندا، كوز جۇمعانداردىڭ ەكەۋىنىڭ باسى شابىلعان.
تۇرمە اكىمشىلىگىنە نارازىلىق بىلدىرگەن شامامەن 700 سوتتالۋشى جەكسەنبى كۇنى تاڭەرتەڭ بۇلىك شىعاردى.
قازىرگى ۋاقىتتا بيلىك وكىلدەرى بۇلىكشىلەرمەن كەلىسسوزدەر جۇرگىزۋدە. بۇلىك شىعارعاندار تۇرمەنىڭ شاتىرىندا تۇتقىن رەتىندە 2 باقىلاۋشى مەن بىرنەشە سوتتالۋشىنى ۇستاۋدا.