ۋكراينا پرەزيدەنتىنىڭ ۇلى ءدىني ءراسىم كەزىندە ەسىنەن تانىپ قالدى - كەسكىن
ۋكراينالىق تەلەارنالاردىڭ كادرىندا ءراسىم كەزىندە بالانىڭ جاعدايى كۇرت ناشارلاعانى بايقالادى، ول بىرنەشە رەت كوزىن جۇمىپ، قۇلاپ قالا جازدايدى. بالانىڭ ارتىندا تۇرعان ۋكراينانىڭ بۇرىنعى پرەزيدەنتى ۆيكتور يۋشەنكو ونى دەمەپ قالعان.
ب ا ق- تىڭ حابارلاۋىنا قاراعاندا، وقيعاعا زالدىڭ اۋاسىنىڭ تارىلۋى سەبەپ بولعان. وسى جايتتان كەيىن كوپ ۋاقىت وتپەي بالا ءوز- وزىنە كەلىپ، حرامداعى ءدىني راسىمگە قاتىسقان.
23 - تامىزدا ۋكراينا ۇلتتىق تۋ كۇنىن اتاپ ءوتتى. مەرەكەلىك شارالار كيەۆتەگى سوفيا الاڭىندا مەملەكەتتىك تۋدى كوتەرۋ شاراسىمەن باستالدى. اتالمىش شاراعا ۋكراينانىڭ ەكس- پرەزيدەنتتەرى لەونيد كراۆچۋك، لەونيد كۋچما جانە ۆيكتور يۋشەنكو، پرەمەر- مينيستر ارسەني ياتسەنيۋك، مينيسترەرلەر، سونداي- اق كييەۆ بيلىگى مەن پارلامەنت جەتەكشىلەرى قاتىستى. سونان كەيىن مەيرام شىركەۋدەگى ءدىني راسىمگە ۇلاستى.