استانادا كوپ بالالى جالعىزباستى اناعا قايىرىمدىلىق كومەك كورسەتىلدى

استانا. قازاقپارات - 3 بالاسىمەن ءبىر جىلعا جۋىق ۆاگوندى پانالاپ جاتقان التىناي جانمۋرزينانىڭ جاعدايىنا ءبىلىم جانە عىلىم مينيسترلىگى بەيجاي قاراي الماي، «مەكتەپكە جول» قايىرىمدىلىق اكسيا بويىنشا كومەك كورسەتۋدى ۇيعاردى، دەپ حابارلادى ۆەدومستۆو باسپا ءسوز قىزمەتىنەن.

ءبىر وتباسىنىڭ جالعىز اسىراۋشىسى التىناي جانمۋرزينا ەۋرازيا ۋنيۆەرسيتەتىندە ەدەن جۋۋشى بولىپ جۇمىس ىستەيدى. ول تۇرمىستىق جاعدايىنىڭ ناشارلىعىن ايتىپ، بالالارىنا جاڭا وقۋ جىلىندا مەكتەپ فورماسى مەن مەكتەپكە قاجەتتى وقۋ قۇرالدارىن الۋعا شاماسى كەلمەيتىنىن جەتكىزدى. وسى حابار ب ا ق-تا 2014- جىلدىڭ 19- تامىزىندا شىققاننان كەيىن ءبىلىم جانە عىلىم مينيسترلىگى ونىڭ قيىن جاعدايعا بەيجاي قاراي الماي، «مەكتەپكە جول» قايىرىمدىلىق اكتسيا بويىنشا كومەك كورسەتتى.

ءبىلىم جانە عىلىم مينيسترلىگىنىڭ وكىلدەرى جوقشىلىق ازابىن تارتقان بۇلدىرشىندەرگە مەكتەپكە قاجەتتى وقۋ قۇرالدارى، سومكە مەن اقشالاي كومەك جاسادى. سونداي-اق، جالعىزباستى انا مەن ونىڭ 3 بالاسىنا جاتاحانادان بولمە الىپ بەرۋگە شەشىم قابىلداندى.