اتا-انانىڭ قامقورىن از كورگەن ۇل بالالار قاتىگەز بولىپ وسەدى

استانا. قازاقپارات - جاڭا زەرتتەۋ جۇمىستارى كورسەتكەندەي، اتا-انانىڭ قامقورىن از كورگەن ۇل بالالار قاتىگەز بولىپ وسەدى ەكەن.

پەنسيلۆانيا ۋنيۆەرسيتەتىنىڭ الەۋمەتتانۋشىلارى 85 سوتتالۋشىنىڭ ومىرىنە قاتىستى جەكە دەرەكتەرىن زەرتتەپ كورگەن. ولار وسى زەرتتەۋ بارىسىندا اتا-اناسى كوڭىل بولمەگەن جەتكىنشەكتەر اراسىنان قىلمىسكەرگە اينالعانداردىڭ كوبىرەك شىعاتىنىن انىقتاعان، دەپ جازدى Science World Report.

بالانى قاتالدىقپەن تاربيەلەۋ ونىڭ ىزاقور بولىپ وسۋىنە اكەپ سوقتىرادى. اتا-انانىڭ كوڭىل بولمەۋى ونداي قاۋىپتى كۇشەيتەدى.

ساۋالناماعا قاتىسقان 25 ادامنىڭ بىرەۋىنىڭ دە اتا-اناسى ءوز مىندەتىن تولىق ورىنداماعان بولىپ شىقتى. جەتكىنشەكتەردىڭ اگرەسسيالىق ارەكەتىنە قۇرداستارىمەن نەمەسە اتا-انالارىمەن توبەلەسكەنى، مۇعالىمدەرگە شابۋىل جاساعانى، قورقىتۋ ماقساتىندا قارۋدى پايدالانعانى، توناعانى نەمەسە بىرەۋدى جاراقاتتاعانى جاتادى.