وقۋشىلار مەن ستۋدەنتتەردىڭ بەيبىت شەرۋى جاپپاي تارتىپسىزدىككە ۇلاستى
10:13, 22 - تامىز 2014
استانا. قازاقپارات - چيلي استاناسى سانتياگو قالاسىنداعى وقۋشىلار مەن ستۋدەنتتەردىڭ شەرۋى جاپپاي تارتىپسىزدىككە ۇلاستى. كەم دەگەندە 17 ادام قامالدى، دەپ حابارلادى يتار-تاسس.
ساپالى، تەگىن ءبىلىمدى تالاپ ەتكەن جاستاردىڭ بەيبىت شەرۋىن بەتتەرىن بۇركەگەن ءبىر توپ جاستار كەلىپ ارانداتقان. ولار جول بەلگىلەرىن، باعدارشامداردى قيراتىپ، ءتارتىپ ساقشىلارىنا تاس اتقان. وسىدان كەيىن پوليتسيا كۇش قولدانۋعا ءماجبۇر بولدى.
ۇيىمداستىرۋشىلاردىڭ ايتۋىنشا، شەرۋگە تەك سانتياگو قالاسىنان 80000 ادام شىقتى. بەيبىت شارا ەلدىڭ باسقا قالالارىندا دا ۇيىمداستىرىلعان.
ءچيليدىڭ قازىرگى پرەزيدەنتى ميشەل باچەلەتتىڭ سايلاۋ كەزىندەگى نەگىزگى ۋادەسىنىڭ ءبىرى وسى وقۋ جۇيەسىن قالپىنا كەلتىرۋ بولاتىن. الايدا، قازىرگى ۋاقىتتا پارلامەنتتىڭ تومەنگى پالاتاسىندا جەكە مەكتەپتەردى مەملەكەتتەن قارجىلاندىرۋدى توقتاتۋ تۋرالى زاڭ جوباسى قارالىپ جاتىر.