استانا اكىمى ءبىلىم سالاسىنداعى قازاقستاندىق ينتەراكتيۆتى ازىرلەمەلەرمەن تانىستى
اتالعان كومپانيانىڭ باس ديرەكتورى نۇرلان قۇراقباي ەلوردا اكىمىن فيزيكا، حيميا جانە بيولوگيانى زەرتتەۋگە ارنالعان D3- باعدارلاماسىمەن، جاراتىلىستانۋ ءۇشىن «Pasco» ساندىق زەرتحانالىق قۇرىلعىسىمەن، وقىتۋ- ادىستەمەلىك كەشەنىمەن («اباي تانۋ الىپپەسى» ، «دانالىق الىپپەسى» جانە «ءتىلاشار» ) ، سونداي- اق وزگە دە يننوۆاتسيالىق تەحنولوگيامەن تانىستىردى.
ءوز كەزەگىندە ي. تاسماعامبەتوۆ Interactive Kazakhstan ج ش س تاراتىپ وتىرعان قۇرىلعىلار مەن باعدارلامالىق قامتاماسىز ەتۋ جوبالارى ەل اۋماعىندا ەنگىزىلۋى جايىندا سۇرادى.
«ءبىزدىڭ كەڭسە استانادا ورنالاسقان. ءبىز ءونىمدى بارشا قازاقستان بويىنشا تاراتىپ وتىرمىز. اتاپ ايتقاندا قۇرىلعىلاردى الۋ جونىندەگى باستاما جەرگىلىكتى جەرلەردەگى مەكتەپتەردەن كەلىپ ءتۇسىپ جاتىر. وسى ورايدا اكىمدىكتەر مەن ءبىلىم باسقارمالارى دەڭگەيىندە جۇمىس ىستەۋگە نيەتتىمىز» ، - دەدى ن. قۇراقباي.