الماتىدا ءمينيستردىڭ قاتىسۋىمەن وتكەن تامىز كەڭەسىندە توتەنشە جاعداي ورىن الدى
الاتاۋ كينوكونسەرت زالىنا جاقىن ماڭدا جەر قازۋ جۇمىستارىن جۇرگىزۋ كەزىندە كران-ەكسكاۆاتوردىڭ جۇمىسشىسى قۋاتى 10 كۆولت كابەلدى ءۇزىپ جىبەرگەن.
«توتەنشە جاعداي ورىن الدى. جۇمىسشى قازىر ورتا دەڭگەيدەگى كۇيىكپەن اۋرۋحاناعا جاتقىزىلدى. جارىقتىڭ وشۋىنە سول سەبەپ بولعان. قازىر كابەل قالپىنا كەلتىرىلدى. وعان شامامەن 15 مينۋتتاي ۋاقىت كەتتى»، - دەدى قالالىق قۇرىلىس باسقارماسىنىڭ باسشىسى وتاربايەۆ ءمادي.
ەستەرىڭىزگە سالا كەتەيىك، بۇگىن الماتىداعى الاتاۋ كينوكونسەرت زالىندا ق ر ب ع م ءمينيسترى اسلان ءسارىنجىپوۆ سويلەپ جاتقان كەزدە جارىق ءوشىپ قالدى. مينيستر مەن قالا باسشىسى احمەتجان ەسىموۆ باياندامالارىن قاراڭعىلىقتا وقۋعا ءماجبۇر بولدى.
كەيىننەن جارىق بىرنەشە رەت ءوشىپ قايتا قوسىلدى. بۇل بيىل پايدالانۋعا بەرىلگەن الاتاۋ كينوكونسەرت زالىندا وتكەن تۇڭعىش ءىرى شارا بولاتىن.
اۆتور: گۇلميرا ءعوسمانالي