ۋكراينادا ءبىر توپ بوسقىنعا وق اتىلىپ، تۇگەلگە دەرلىك قازا تاپتى
بي- بي- سي -ءدىڭ بۇل اقپاراتىن ۋكرايندىق كۇش وپەراتسياسىنىڭ وكىلى لەونيد ماتيۋحين راستادى.
ونىڭ ايتۋىنشا، ءقازىر قۇرباندار سانى انىقتالۋدا. الايدا توپتا بولعان بوسقىنداردىڭ بارلىعى قازا تاپقان.
«كوپشىلىگى تىرىدەي جانىپ كەتتى»، - دەدى ماتيۋحين. ول مۇنى سەپاراتيستەردىڭ ارەكەتى دەدى.
بۇدان بۇرىن «ۋكراينسكايا پراۆدا» ينتەرنەت- باسىلىمى ۋكرايندىق «سيەۆەر» جەدەل قولباسشىلىق باسپا ءسوز ورتالىعىنىڭ باسشىسى اناتوليي پروشينگە سىلتەمە جاساي وتىرىپ ساعات 9:40 -تاردا حرياشيەۆاتىي جانە نوۆوسۆەتلوۆكا ەلدى مەكەندەرىنىڭ ءبىر توپ بوسقىندارىنا وق اتىلدى دەگەن حابار جاريالاعان.
"قۇربان بولعاندار سانى كوپ. ادامدار ولار مىنگەن كولىكپەن قوسا جانىپ كەتكەن"، - دەيدى پروشين.
ۋكراينانىڭ ۇلتتىق قاۋىپسىزدىك جانە قورعانىس كەڭەسىنىڭ باسپا ءسوز حاتشىسى اندرەي لىسەنكو قازا تاپقاندار وتە كوپ، ءبىراق ناقتى سانى ازىرگە بەلگىسىز ەكەنىن ايتتى.