شي جينپيڭ مەن ن. نازاربايەۆتىڭ ۇلى جىبەك جولى ەكونوميكالىق بەلدەۋى تۇجىرىمداماسى «قىتاي- يتاليا» اۆتوشەرۋىنەن كورىنىس تابۋدا

اتىراۋ. قازاقپارات - اتىراۋعا ۇلى جىبەك جولى ىزىمەن كەلە جاتقان «قىتاي- يتاليا» اۆتوشەرۋىنىڭ قاتىسۋشىلارى كەلىپ جەتتى.

«اۆتوشەرۋلەتىپ ءجۇرىپ ءوتۋ يدەياسى ق ح ر ءتوراعاسى مەن قازاقستان پرەزيدەنتى نۇرسۇلتان نازاربايەۆ «ۇلى جىبەك جولى ەكونوميكالىق بەلدەۋى» تۇجىرىمداماسىن قولعا العاننان كەيىن پايدا بولدى. ءبىزدىڭ جولدا كەلە جاتقانىمىزعا 28 كۇن بولدى. وسى ارالىقتا 8 مىڭ شاقىرىم جول جۇردىك، قازاقستان جانە وزبەكستان جەرلەرىن باسىپ وتتىك» ، - دەيدى شەرۋگە قاتىسۋشىلاردىڭ ءبىرى دجان ليدجۋن.

ونىڭ ايتۋىنشا، شەرۋدىڭ باستى ماقساتى - قىتاي مەن ەۋروپا ارالىعىندا جۇزدەگەن جىلدار بۇرىن قازاقستان جەرى ارقىلى كەرۋەندەر قاتىناعان ۇلى جىبەك جولىن ادامداردىڭ ەسىنە سالۋ.

«وسى جولمەن ءجۇرىپ وتكەندەردىڭ ءبىرى مەنىڭ ۇلى اتام بولعان. ءبىزدىڭ شەرۋ ۇلى جىبەك جولىنىڭ بويىندا ورنالاسقان ەلدەر اراسىندا تەك ساۋدا- ەكونوميكالىق عانا قاتىناستىڭ ەمەس، سونداي- اق تۋريستىك، مادەني قارىم- قاتىناستاردىڭ ورناۋىنا تۇرتكى بولادى» ، - دەپ اتاپ ءوتتى د. ليدجۋن.

اۆتوشەرۋگە قاتىسۋشىلاردىڭ 28 اۆتوكولىگى بار. از ۋاقىت دەمالىپ العاننان كەيىن ولار قازاقستان مەن رف شەكاراسىنان ارى اسادى. ودان سوڭ ولار گرۋزيا، تۇركيا، گرەكيا جانە يتاليا جەرلەرىن باسىپ ءوتىپ، سوڭعى نۇكتە - ريمگە جەتپەك. وسى ساپار بارىسىندا بارلىق قاتىسۋشىلار 15 مىڭ شاقىرىم قاشىقتىقتى باعىندىرماق.