حاماس پالەستيندىكتەردىڭ تالاپتارىن ورىنداماسا يزرايلگە قارسى سوعىس اشاتىنىن مالىمدەدى

استانا. قازاقپارات - حاماس ۇيىمى ەگەر يزرايل بيلىگى پالەستيندىكتەردىڭ كايردە جاريالانعان بارلىق تالاپتارىن ورىنداماسا، ۇزاققا سوزىلاتىن سوعىس اشاتىنىن مالىمدەدى، دەپ حابارلايدى روس بالت.

«يزرايل پالەستينا حالقىنىڭ تالاپتارىن ورىنداۋعا ءتيىس نەمەسە سوعىسقا دايىندالسىن!» - دەپ جازادى ۇيىم وكىلى ۋساما حامدا ءوزىنىڭ Facebook پاراقشاسىندا.

بۇدان بۇرىن حاماس باسشىلارىنىڭ ءبىرى يسمايل حانيا ەكى شارت قويعان بولاتىن: يزرايل گازا سەكتورىنداعى ەكونوميكالىق شەكتەۋلەرىن الۋى ءتيىس جانە پالەستيندىكتەردىڭ ءجۇرىپ- تۇرۋىنا جول اشۋى ءتيىس.

ايتا كەتەيىك، 11 - تامىزدا مىسىردا پالەستينا مەن يزرايل دەلەگاتسيالارى ءبىر ۇستەل باسىنا وتىرىپ، گازا سەكتورىنداعى اتىستى توقتاتۋ كەلىسسوزدەرىن باستاعان بولاتىن. 13 - تامىزدا حاماس پەن يزرايل كەزەكتى بىتىمگەرلىككە قول جەتكىزدى. بۇل كەلىسىم 18- تامىزدا، ياعني ەرتەڭ بىتەدى.

 اۆتور:  ءابۋ- اسقار مەكەش ۇلى