سيرياداعى قازاقستان ازاماتشاسى ا. راحمۋن ەۆاكۋاتسيالاندى - ق ر سءى م

استانا. قازاقپارات - بۇگىن 2014 - جىلعى 15 - تامىز كۇنى ماسكەۋ ۋاقىتى بويىنشا تۇنگى ساعات 01.00 دە رەسەي فەدەراتسياسىنىڭ ت ج م ۇشاعى سيريادان قايتۋعا نيەت بىلدىرگەن 60 ادامدى ماسكەۋگە جەتكىزدى.

ولاردىڭ اراسىندا 1971 - جىلى تۋىلعان، وڭتۇستىك قازاقستان وبلىسىنىڭ تۋماسى، ق ر ازاماتى ا. راحمۋن بار، دەپ حابارلادى ق ر سىرتقى ىستەر مينيسترلىگىنىڭ باسپا ءسوز قىزمەتىنەن.

 «قازاقستاننىڭ ماسكەۋدەگى كونسۋلدىعىنىڭ قىزمەتكەرلەرى ونى اۋەجايدا كۇتىپ الىپ، تۋىستارىنا جەتكىزدى. بۇگىن نەمەسە ەرتەڭ ول ەلىمىزگە ورالۋدى جوسپارلاپ وتىر. رەسەي تاراپىنا ازاماتىمىزعا كورسەتكەن كومەگى ءۇشىن زور العىسىمىزدى بىلدىرەمىز» ، دەلىنگەن حابارلامادا.