الماتىدا مەملەكەتتىك تۋ جۇك كولىگىنىڭ برەزەنتى رەتىندە پايدالانىلدى - فوتو

استانا. قازاقپارات - الەۋمەتتىك جەلىدە قازاقستاننىڭ مەملەكەتتىك رامىزدەرىنىڭ ءبىرى كوك تۋمىزدى جۇك كولىگىنىڭ برەزەنتى رەتىندە پايدالانىلعان سۋرەت كەڭىنەن تالقىلانۋ ۇستىندە.

بۇل فوتونى وسىدان شامامەن 1 اي بۇرىن تانىمال جۇرگىزۋشى، شوۋمەن ءارى ستسەنارييشى مارات ورالعازين ءتۇسىرىپ، Instagram جەلىسىندە جاريا ەتكەن بولاتىن. سۋرەتتەن جۇك كولىگىنىڭ الماتى كوشەلەرىندە كەتىپ بارا جاتقانىن بايقاۋعا بولادى.

 «بۇلاي ىستەۋگە بولمايدى عوي! بۇل مەنىڭ كوڭىلىمە قاياۋ ءتۇسىردى. بۇل قورلاعانمەن تەڭ. اشۋ- ىزانى تۋدىرادى. مەنىڭ ەلىمىنىڭ ءرامىزى نە ءۇشىن جۇك كولىگىنىڭ برەزەنتى رەتىندە پايدالانىلۋى ءتيىس. 102 گە تەلەفون سوقتىم. سايكەسىنشە شارا قابىلداناتىندىعىنا سەنەمىن» ، - دەپ جازدى ول.

تەك كولىگىنىڭ ماركاسى عانا ەمەس، ءتىپتى مەملەكەتتىك ءنومىرى دە انىق كورىنەتىن بۇل سۋرەت الەۋمەتتىك جەلىدە كەڭىنەن تالقىعا ءتۇستى. ماسەلەن، ق ر پارلامەنتى ءماجىلىسىنىڭ بۇرىنعى دەپۋتاتى، ق ر ءبىلىم جانە عىلىم مينيسترلىگىنىڭ ەكس ۆيتسە- ءمينيسترى مۇرات ابەنوۆ م. ورالعازيننەن وسى ماسەلەگە وراي قالالىق ىشكى ىستەر دەپارتامەنتىمەن جاۋاپ كەلگەن- كەلمەگەنىن دە سۇرادى. وعان م. ورالعازين: «جوق اعا، حابارلاسپادى» ، - دەپ جاۋاپ بەرىپتى.

 اۆتور:  مارلان جيەمباي