حيللاري كلينتون ا ق ش پرەزيدەنتىن سىنعا الدى

استانا. قازاقپارات - ا ق ش-تىڭ بۇرىنعى مەملەكەتتىك حاتشىسى حيللاري كلينتون تاياۋدا باراك وباما اكىمشىلىگىنىڭ سىرتقى ساياساتىنا قاتىستى سىن ايتتى.

ح. كلينتون اق ءۇيدىڭ حالىقارالىق ماسەلەلەردى رەتتەۋ ىسىندە ب. وبامانىڭ الەمدەگى امەريكانىڭ رولىنە قاتىستى جەكە كوزقاراسىنا كەلىسپەۋشىلىك تانىتقان.

ال كونسەرۆاتورلار ب. وبامانىڭ بۇرىنعى ديپلوماتى اق ءۇي اكىمشىلىگىنەن قانشالىقتى الىسقا كەتە قويارىن سالماقتاپ باعۋدا. حيللاري حانىمنىڭ سىن-ەسكەرتپەسى اۋەلى سيرياداعى داعدارىسقا قاتىستى. بۇرىنعى ديپلومات بۇل ماسەلەدە اكىمشىلىكتىڭ ءىس-ارەكەتىن ناعىز «قۇلدىراۋعا» بالاعان. ح. كلينتون «باشار اسادقا قارسى سەنىمدى اسكەري كۇش جاساقتاۋعا جاردەمدەسۋ جولىنداعى يكەمسىزدىكتىڭ سوڭى جيھادشىلاردى جامىراتىپ جىبەردى»، -  دەپ مالىمدەدى. باراك وباما بۇل سىندى «قيال-عاجايىپقا» تەڭەدى. دەگەنمەن ساراپشىلار ح. كلينتوننىڭ ب. وبامانىڭ اينالاسىنان وڭايلىقپەن كەتە قويماعانىن العا تارتادى. الايدا وتكەن اپتادا ا ق ش-تىڭ CBS News تەلەارناسى جۇرگىزگەن ساۋالناماعا سايكەس، حالىقتىڭ 52 پايىزى حالىقارالىق داعدارىستى رەتتەۋ ىسىندە ب. وبامانىڭ ەپتىلىگىنە سەنىممەن قارايتىنىن بىلدىرگەن. ال حيللاري كلينتونعا نەبارى 25 پايىزى سەنىم ارتقان.

24.kz