الەمدەگى ەڭ قىمبات بالمۇزداق

استانا. قازاقپارات - بالمۇزداقتىڭ جانىنان بالا وتسە، مىندەتتى تۇردە بۇرىلاتىنى اقيقات. ءبىراق بالمۇزداقتىڭ ءدامى بالانىڭ تاڭدايىندا قالعانىمەن، ونىڭ باس اينالدىرارلىقتاي باعاسى تاعى بار.

مىسالى، ماسكەۋ رەستوراندارىنىڭ بىرىندە ەڭ قىمبات بالمۇزداق 50 دوللار تۇرادى. مۇنىڭ باعاسىن وتە جوعارى دەپ باعالاۋعا بولمايدى، مۇنان دا قىمباتتارى بار. چيكاگو كافەسىندەگى بالمۇزداقتارعا ەكىنىڭ ءبىرىنىڭ قولى جەتە بەرمەيدى. مۇنى كاسىبي اسپاز دجيمو كاپپاناري دەگەن ازامات دايارلايتىن كورىنەدى.

ونىڭ باعاسى جوعارى، ماسكەۋدەگى بالمۇزداق ونىڭ جانىندا ارزان. چيكاگولىق بالمۇزداق ەڭ جاڭا ساپالى شيكىزاتتاردان دايارلانادى. بۇل دەليكاتەس چيكاگوداعى ەڭ ءدامدى تاعامنىڭ ءبىرى سانالادى. باعاسى -  200 دوللار. بۇل ا ق ش مەملەكەتىندەگى باعاسى ەڭ جوعارى بالمۇزداقتىڭ ءبىرى.

ال فرانسيانىڭ Philippe Faur كومپانياسى بالمۇزداقتىڭ 73 ءتۇرىن شىعارادى. ءتىل ۇيىرەتىن بۇل دەسەرت ءارتۇرلى قوسپالاردان دايىندالادى. ونىڭ ىشىندە ىرىمشىك، قارا ۋىلدىرىق، پياز، بال جانە تاعى باسقا شيكىزاتتار بار. جەگەن ادام شىندىعىندا ونىڭ ءدامىن اڭسايدى. باعاسى دا اجەپتاۋىر، 158 دوللاردى قۇرايدى.

بەرىك بەيسەن ۇلى