ءابليازوۆتىڭ بۇرىنعى وققاعارى يسپانيادان ساياسي پانا سۇرادى
ەسكە سالا كەتەيىك، مۇحتار ءابليازوۆتىڭ ءوزى قازىرگى ۋاقىتتا فرانسيادا قاماۋدا وتىر، ونى ەكستراديتسيالاۋعا قازاقستان، رەسەي مەن ۋكراينا مۇددەلى.
پاۆلوۆقا ساياسي پانا ۇسىنۋعا قاتىستى ماسەلەلەرگە بىرنەشە اي ۋاقىت كەتۋى مۇمكىن.
AI يسپان بولىمشەسىنىڭ وكىلى لۋيس گومەستىڭ ايتۋىنشا، ءابليازوۆتىڭ بۇرىنعى وققاعارى يسپانيادان ساياسي پانا عانا ەمەس، جۇمىس تا تاپقىسى كەلەدى.
سونىمەن بىرگە، كۇزەت قىزمەتىنىڭ ەكس- باسشىسى ءالى كۇنگە دەيىن قازاقستاندا وتىرعان وتباسىن ءوز جانىنا كوشىرىپ الۋدى قالايدى.
يسپان سوتى وتكەن جىلدىڭ شىلدە ايىندا قازاقستان بيلىگىنىڭ پاۆلوۆتى قايتارۋ تۋرالى تالابىن قاناعاتتاندىرۋدى ۇيعارعان بولاتىن. پاۆلوۆ يسپانياعا 2012 - جىلدىڭ جەلتوقسانىندا كەلگەن. ال 2014 - جىلدىڭ اقپان ايىندا سوتتىڭ شەشىمىن يسپانيا ۇكىمەتى ماقۇلدادى. ب ت ا بانكىنەن 22,5 ميلليون ەۆرو نەسيەنى زاڭسىز الدى جانە بىرنەشە تەررورلىق ارەكەت پەن قارجىلىق قىلمىستى جاساۋعا ارەكەتتەندى دەپ ايىپتالىپ وتىرعان پاۆلوۆ ءابليازوۆتىڭ سەنىمدى وكىلى جانە كۇزەت قىزمەتىنىڭ باستىعى رەتىندە بەلگىلى.
ەسكە سالا كەتەيىك، مۇحتار ءابليازوۆتىڭ ءوزى جالپى سوماسى التى ميلليارد دوللاردان اساتىن قارجىلىق زاڭبۇزۋشىلىقتار جاسادى دەپ ايىپتالىپ وتىر. كاسىپكەرگە رەسەي، قازاقستان مەن ۋكراينا ىزدەۋ جاريالادى. ب ت ا بانكىنىڭ ەكس-باسشىسى 2013 - جىلدىڭ شىلدە ايىندا فرانسيادا تۇتقىندالدى.
العاشقى ينستانسياداعى سوت ونى رەسەيگە ەكستراديتسيالاۋعا شەشىم قابىلدادى، ءبىراق العاشقى پروتسەستەگى قاتەلىكتەرگە بايلانىستى ءىس قايتادان قاراۋعا جىبەرىلدى. سوت تىڭداۋى 2014 -جىلدىڭ قىركۇيەگىندە قايتادان وتكىزىلەدى.
«الاش ايناسى»