جولبارىس سۇيرەپ كەتكەن ايەل ىزدەستىرىلۋدە

استانا. قازاقپارات - ءۇندىستاننىڭ باتىس بەنگاليا شتاتىندا جولبارىس بالىقشىلارعا شابۋىل جاساپ، ءبىر ايەلدى وزىمەن سۇيرەپ اكەتتى دەپ حابارلايدى Associated Press جەرگىلىكتى بيلىك وكىلدەرىنە سىلتەمە جاساپ.

وقيعا 8- تامىز كۇنى ورىن العان. ەرلى-زايىپتى ەكەۋ مەن تاعى ءبىر بالىقشى شاعىن وزەن بويىندا شايان اۋلاپ وتىرعان ەكەن. وسى كەزدە جاعادا ءوسىپ تۇرعان ورمان ىشىنەن جولبارىس شىعىپ، بۇلارعا شابۋىل جاساپتى.

جىرتقىش اڭ ايەلدى سۇيرەپ، نۋ ورماننىڭ ىشىنە قاراي الىپ كەتكەن. كۇيەۋى دەرەۋ بيلىك وكىلدەرىنە حابارلاعاننان كەيىن ورمانشىلار ماڭايدى تۇگەل قاراپ شىقتى. الايدا، جوعالعان ايەلدىڭ ءىزى مۇلدەم تابىلعان جوق.

ايتا كەتەيىك، ءۇندىستاننىڭ سۋنداربان اۋدانىندا جىل باسىنان بەرى وسىمەن التىنشى رەت جولبارىس ادامعا شابۋىل جاسادى. ماماندار مۇنىڭ باستى سەبەبىن جىرتقىشتار مەكەندەيتىن ورتانىڭ بۇلىنۋىمەن بايلانىستىرىپ وتىر. ازىق ىزدەگەن حايۋاندار امالسىزدان وسىنداي قادامعا بارادى دەيدى ولار.

Baq.kz