شىلدە ايىندا تۇرعىن ءۇي نارىعىنداعى باعا وزگەردى

استانا. قازاقپارات - ق ر ستاتيستيكا اگەنتتىگىنىڭ مالىمەتىنە قاراعاندا، 2014 - جىلعى شىلدەدە تۇرعىن ءۇي نارىعىندا باعانىڭ وزگەرۋى بايقالدى.

اتاپ ايتقاندا، شىلدەدە وتكەن ايمەن سالىستىرعاندا كوركەيتىلگەن تۇرعىن ۇيلەردى الىپ ساتۋ باعالارى 0,7 پايىز، ال ودان تومەن ساناتتاعى ۇيلەردىڭ باعاسى 0,6 پايىزعا ءوستى.

ال جاڭا تۇرعىن ۇيلەردى ساتۋ جانە كوركەيتىلگەن تۇرعىن ۇيلەردى جالعا بەرۋ باعاسى وزگەرىسسىز قالدى.

اگەنتتىك مالىمەتتەرىنە قاراعاندا، شىلدە ايىندا جاڭا تۇرعىن ۇيلەردى ساتۋ باعاسى شارشى مەترىنە ورتاشا العاندا 214 مىڭ 433 تەڭگە. ال كوركەيتىلگەن تۇرعىن ۇيلەردى ساتۋدىڭ ورتاشا باعاسى - 170 مىڭ 098 تەڭگە. بۇل الدىڭعى ايمەن سالىستىرعاندا 0,7 پايىزعا، بىلتىرعى جىلدىڭ شىلدەسىنە قاراعاندا 20 پايىزعا جوعارى.

اۆتور: قانات مامەتقازى ۇلى