ءۇندىستاندىق جۋرناليسىت قازاقستان ەلشىلىگىنەن كەشىرىم سۇرادى
قازاقستاننىڭ ءۇندىستانداعى ەلشىلىگىنە سىلتەمە جاساپ. باسىلىم ءۇندىستاندىق ەر ادامداردىڭ كۋرورتتى ەلدەردەن گورى قازاقستاندى ارتىق كورەتىنى تۋرالى ماقالا جاريالاعان بولاتىن.
ءوزىنىڭ رەسمي مالىمدەمەسىندە ماقالا اۆتورى بولعان جاعداي ءۇشىن وكىنەتىنىن جانە ەندى قايتالامايتىنىن ايتتى. «مەن جازعان ماقالا تۋريزم يندۋسترياسى جەتەكشىلەرى مەن ينسايدەرلەرىنىڭ باقىلاۋلارىنا نەگىزدەلگەن ەدى، ويتكەنى ولار - تۋريستىك سالاداعى احۋالدى جاقسى باعالاي بىلەتىن اقپارات كوزدەرى. ماقالامدا مەن اتاعان ادامداردىڭ كوبى ونداي ترەندتىڭ شىن مانىندە بارىن ايتتى، مەن سول پىكىرلەردى ءبىر ماقالاعا بىرىكتىرگەن ەدىم»، - دەپ جازدى ابەدي.
قازاقستاننىڭ ءۇندىستانداعى ەلشىلىگىنىڭ باسشىسى دۋلات قۋانىشيەۆ بۇعان دەيىن ءۇندى جۋرناليسىنىڭ ماقالاسىندا پىكىرى قولدانىلعان ءتورت ادامنىڭ ەكەۋىنىڭ ءوز سوزدەرىنەن باس تارتقانىن حابارلاعان بولاتىن. ماقالادا تۋريزم سالاسىنىڭ ساراپشىلارى ءۇندىستانداعى ەر ادامداردىڭ قازاقستانعا تايلاند، سينگاپۋر، يندونەزيا ەلدەرىنە قاراعاندا كوپ باراتىنىن ايتادى.
«قازىرگى كەزدە، ەلشىلىك مەنىڭ ماقالامدا اتالاتىن ادامدارعا رەسمي تۇردە ۇندەۋ جاساعاننان كەيىن ولاردىڭ ءبارى بۇرىن ايتقان اقپاراتتارىنان باس تارتىپ، اۆتور ءسوزىمىزدى بۇرمالادى دەپ جاتىر. ارينە، مەن ءسىزدىڭ بۇل جاعدايعا الاڭداعانىڭىزدى تۇسىنەمىن. مەن دە ءۇندىستان مەن قازاقستاننىڭ تاتۋ ەلدەر، ستراتەگيالىق ارىپتەستەر ەكەنىنە سەنەمىن. ءسوز سوڭىندا كەلەشەكتە تۇسىنىكتەمەلەر جونىنەن ءارقاشان ءسىزدىڭ ەلشىلىككە حابارلاساتىن بولاتىنىما سەندىرگىم كەلەدى»، - دەيدى شاحكار ابەدي.
دۋلات قۋانىشيەۆ ەگەر قازاقستانداعى سەكس- تۋريزم تۋرالى اقپارات تەرىسكە شىعارىلاتىن بولسا، ماقالا اۆتورىنا قاتاڭ جازا قولدانۋدى تالاپ ەتپەيتىنىن ايتقان بولاتىن.