ۇيالى تەلەفوندار ادام ومىرىنە قاۋىپ توندىرۋدە
قۇرىلعىدان شىققان ەلەكتروماگنيتتىك ورىستەردەن زارداپ شەككەن جانداردىڭ قاتارى كۇننەن-كۇنگە ارتىپ كەلەدى.
ءتىپتى سوڭعى كەزدەرى الەمدە قالتا تەلەفونداردىڭ جارىلىپ كەتكەن كەزدەرىدە كەزدەسەدى. تەلەفونداردىڭ نە سەبەپتى جارىلاتىنى تۋراسىندا Almaty.tv ءتىلشىسى انىقتاعان بولاتىن.
وسىدان بىرنەشە اي بۇرىن استانا قالاسىنداعى 1-سىنىپ وقۋشىسىنىڭ قالتاسىنداعى ۇيالى تەلەفونى جارىلىپ 3-دارەجەلى كۇيىك شالعان بولاتىن.
ال 2010 - جىلى وسىنداي جاعداي الماتىلىق مۇعالىمنىڭ باسىنان ءوتتى. سونىمەن قاتار، ءدال وسى جىلى ينديادا 23 جاستاعى قويشىنىڭ تەلەفونى سويلەسۋ بارىسىندا جارىلىپ، جىگىت جان ءتاسىلىم ەتكەن بولاتىن. «بۇنىڭ بارلىعى ۇيالى تەلەفوننىڭ قاتتى ىسىپ كەتۋىنەن بولادى»، - دەيدى تەلەفون جوندەۋشى.
«ەڭ باستى سەبەپتىڭ ءبىرى قىتاي ەلىندە وندىرىلگەن اككۋمۋلياتوردى قۋاتتاندىراتىن قۇرالدار. بۇنداي ساپاسى تومەن قۇرالدار باتارەياعا تىكەلەي كەرى اسەرىن تيگىزەدى. سوندىقتان، توق كوزىندە ۇزاق تۇرعان تەلەفوندار ءوز بويىنا ارتىق ەلەكتروماگنيتتەردى جينايدى، باتارەيا ىسىپ، دۇرىس جۇمىس ىستەمەۋگە الىپ كەلەدى. وسىنداي ارەكەتتەردىڭ بىرنەشە رەت قايتالانۋىنان ونىڭ توزىعى جەتىپ، سوڭىندا تەلەفوننىڭ جارىلۋىنا الىپ كەلەدى. ودان وزگە، ءار تەلەفوننىڭ ىشىندە «پلاتا» بولادى. پلاتا-قالتا تەلەفونىنىڭ ىشىندەگى باستى قۇرىلعىلاردىڭ ءبىرى. اتالمىش قۇرىلعى زاقىمدانعان كەزدە وقىس وقيعا ورىن الۋى ابدەن مۇمكىن. ەستەرىڭىزدە بولسىن، قۋات كوزىندە تۇرعان تەلەفوندى مۇلدەم قولدانۋعا بولمايدى»، - دەدى تەلەفون قۇرىلعىسىن جوندەۋشى قاناعات مەدەتبەك.
ەڭ العاشقى ۇيالى تەلەفوندى 1973 - جىلى 3 - ءساۋىر كۇنى Motorola كومپانياسىنىڭ قىزمەتكەرى ويلاپ تاپقان. جىل ساناپ تەلەفونىن ءتۇرلى ماركاسى پايدا بولىپ، تىڭعىلىقتى جاڭالىقتارمەن تاڭ قالدىرۋدا. دەسە دە قالتا، تەلەفونىن الاردا ساپاسىنا اسا ءمان بەرىپ، بولاشاقتا ۇقىپتى قولدانعان ابزال. ايتا كەتەتىن جايت، تەلەفوندى 4 ساعاتتان ارتىق قۋات كوزىنە قويۋعا بولمايدى.
almaty.tv