ءاربىر ونەركاسىپتە ەلەكتر ەنەرگياسىن ۇنەمدەۋگە باعىتتالعان جۇمىستار جۇرگىزىلۋى ءتيىس - مەملەكەت باسشىسى
«ماسەلەن، ەلىمىزدەگى بارلىق ەنەرگيا رەسۋرستارىنىڭ 12 پايىزىن حالىق، 5 پايىز كولىك تۇتىنسا، 50 ءىرى كاسىپورىنعا 40 پايىز ەنەرگيا كەتەدى. ءبىز ولارمەن بىرلەسىپ جۇمىس ىستەۋدەمىز»، - دەدى ءا. يسەكەشيەۆ.
وسى رەتتە ەلباسى ءاربىر ونەركاسىپ كاسىپورنىمەن ءوندىرىستى جاڭعىرتۋ جانە ەلەكتر ەنەرگياسىن ۇنەمدەۋگە باعىتتالعان جۇمىستاردى جۇرگىزۋ قاجەتتىگىن باسا ايتتى.
«بىزدە ەلەكتر ەنەرگياسى تاريفتەرى تىم ارزان. سوندىقتان دا ونەركاسىپ كاسىپورىندارى ۇنەمدەۋ تۋرالى ويلانبايدى دا»، - دەدى ن. نازاربايەۆ.
مەملەكەت باسشىسىنىڭ سوزىنە قاراعاندا، بۇل كاسىپورىندار ءالى كۇنگە دەيىن ەسكى قۇرال-جابدىقتارىمەن جۇمىس ىستەۋدە. ال ولار ەلەكتر ەنەرگياسىن ۇنەمدەمەيدى.
«ەگەر قارايتىن بولساق، الەمدىك ستاندارتتار دەڭگەيىندە جۇمىس ىستەيتىن وبلىستار بار. ءبىز تەك ولارعا نازار اۋدارمادىق. ءاربىر كاسىپورىنمەن جۇمىس ىستەۋ كەرەك. ەگەر ولار ەلەكتر ەنەرگياسىن وسىلاي تۇتىناتىن بولسا، وندا ولاردىڭ ونىمدەرى باسەكەگە قابىلەتتى ەمەس»، - دەدى ن. نازاربايەۆ.
سونداي -اق ەلباسى جەكەشەلەندىرىلەتىن ءاربىر نىساننىڭ ساتىلۋىنا اشىقتىق قامتاماسىز ەتىلۋى كەرەكتىگىن اتاپ وتتى.
«جەكەشەلەندىرۋدىڭ ەكىنشى تولقىنىنداعى ءاربىر نىساننىڭ ساتىلۋى اشىق، ترانسپارەنتتى تۇردە جۇزەگە اسۋى كەرەك. حالىق بىلۋگە ءتيىس: كونكۋرستىڭ قالاي وتكەنىن، كىمنىڭ نەنى يەلەنگەنىن، كىم نە جاسايمىن دەپ ۋادە ەتكەنىن. مۇنىڭ بارىنە حالىق حاباردار بولۋى كەرەك. بۇل ءۇشىن نە ىستەلىپ جاتىر؟» - دەپ سۇرادى ەلباسى جيىن بارىسىندا قارجى ءمينيسترى باقىت سۇلتانوۆقا قاراتا ايتقان سوزىندە.
ءوز كەزەگىندە مينيستر جەكەشەلەندىرۋ ۇدەرىسىنىڭ جاريالىلىعى ءۇشىن ارنايى ۆەبپورتال قۇرىلعانىن، سول ارقىلى اشىقتىق تولىعىمەن قامتاماسىز ەتىلەتىنىن اتاپ ءوتتى.
«قاتەلىكتەرگە بوي الدىرماڭدار. جەكەشەلەندىرۋدىڭ ءبىرىنشى كەزەڭى قالاي وتكەنى بەلگىلى، كىمدە بيلىك بولسا، سول ءوزى تاراتىپ، ءوزى يەلەنىپ كەتە بەرگەن. قازىر سونىڭ سالدارىنان زاڭسىز بەرىلگەن جەردى دە، مۇلىكتى دە قايتارىپ الۋعا دەيىن بارىپ جاتىرمىز. بۇل جاعداي ەندى قايتالانباۋى كەرەك. بۇل رەتتە بىرىنشىدەن، مەملەكەت بيزنەستەن كەتەدى، ەكىنشىدەن، بۇل نىسانداردىڭ بارلىعى نارىقتىق ورتاعا ءوتىپ، ىسكەرلىك ورتانىڭ بەلسەندىلىگىن ارتتىرادى. جەكەشەلەندىرۋ ءتيىمدى جۇرگىزىلىپ، نىساندار جاقسى قولعا وتسە، ەكونوميكا دا جەڭىلدەپ، بيۋجەتكە دە قاراجات قۇيىلادى. بۇل - اسا ماڭىزدى شارا»، - دەدى ن. نازاربايەۆ.
توقتالا كەتەتىن جايت، جەكەشەلەندىرۋدىڭ ەكىنشى تولقىنىن جۇزەگە اسىرۋدىڭ كەشەندى جوسپارىنا سايكەس، سەگىز ءجۇز ەلۋ ءۇش نىسان جەكە سەكتورعا وتەدى. «ولاردىڭ ىشىندە بيىل ەكى ءجۇز توقسان بەسى ساتىلادى. قازىردىڭ وزىندە ون ءتورت نىسان ءتورت ءجۇز وتىز جەتى ميلليون تەڭگەگە ساتىلدى»، - دەيدى قارجى ءمينيسترى ب. سۇلتانوۆ.