سولتۇستىك قازاقستاننىڭ ۇزدىك تاۋارى انىقتالدى

استانا. قازاقپارات - سولتۇستىك قازاقستاننىڭ جىل تاۋارى انىقتالدى.

اۋداندىق جانە قالالىق بايقاۋلاردا ۇزدىك اتانعان ونىمدەر وبلىستىق كورمەدەن ورىن الدى.

حالىق نازارىنا كارىز قۇبىرلارىنان باستاپ، قازاقتىڭ ۇلتتىق بۇيىمدارىنا دەيىن ۇسىنىلدى.

ازىق-تۇلىك تاۋارلارى دا نازاردان تىس قالمادى.

تۇرعىندار ولارمەن تانىسىپ قانا قويماي، سول جەردە قولما-قول ساتىپ الدى.

ال كاسىپكەرلەر ءوزارا پىكىر الىسىپ، بىلگەندەرىمەن ءبولىستى.

ايتا كەتەيىك، ءوڭىردىڭ ۇزدىك تاۋارى رەسپۋبليكالىق كەزەڭگە جولداما الدى.

جاندوس ءماديعاج، كاسىپكەر:

- مەملەكەتتىك «بيزنەستىڭ جول كارتاسى - 2020» باعدارلاماسى ارقىلى 1 ميلليون 200 مىڭ تەڭگە ۇكىمەتتەن قايتارىمسىز نەسيە الدىم. سودان بەرى ۇلتتىق اسپاپتار جانە ۇلتتىق استاۋ بۇيىمدارىن، ىدىس-اياق بۇيىمدارىن جاساپ جاتىرمىز. باستى ماقساتىمىز -  قازاقتىڭ ونەرىن، ۇلتتىق برەندىن الەمدىك دەڭگەيگە كوتەرۋ.

مارات ىسقاقوۆ، س ق و يندۋستريالدى-يننوۆاتسيالىق دامۋ باسقارماسىنىڭ باسشىسى:

- كورمەگە قويىلعان تاۋارلاردىڭ ۇزدىگى 3 اتالىم بويىنشا انىقتالادى. اتاپ ايتقاندا، ونەركاسىپتىك، حالىقتىق جانە ازىق- تۇلىكتىك ونىمدەر. شاراعا باس-اياعى 50 كاسىپورىن قاتىسىپ وتىر. ولار ەكونوميكانىڭ بارلىق سالاسىن قامتيدى.

24.kz