الەمدەگى تانىمال ايەل باسشىلار - فوتو
ارگەنتينانىڭ بۇرىنعى پرەزيدەنتى حۋان پەروننىڭ ءۇشىنشى ايەلى، جانە 1974-1976 - جىلدارى ارگەنتينانىڭ ءبىرىنشى ايەل پرەزيدەنتى. بولاشاق كۇيەۋىمەن پانامادا تۇنگى كلۋبتا ءبيشى بولىپ ىستەگەندە تانىستى.
ونىمەن بىرگە 1960 - جىلى يسپانياعا كوشتى. شىركەۋدىڭ قىسىمىمەن پەرون وزىنەن 35 جاس كىشى يسابەلگە ۇيلەنۋگە ءماجبۇر بولدى. بۇگىنگى كۇنى ءبىرىنشى ايەل-پرەزيدەنت 83 جاستا.
60 جاستاعى پاك كىن حەنىڭ وڭتۇستىك كورەيادا وتكەن پرەزيدەنت سايلاۋىندا جەڭىسكە جەتۋى وسى پاتريارحالدى مەملەكەت ءۇشىن ۇلكەن سەنساتسيا بولدى.
باسپاسوزدە ونىڭ كورەيانىڭ ەكس-پرەزيدەنتى، گەنەرال-ديكتاتور پاك چجون حيدىڭ قىزى ەكەندىگى، كۇيەۋگە ەشقاشان شىقپاعاندىعى تۋرالى جارىسا جازدى. پاك كىن حە 22 جاستا بولعاندا، ونىڭ اكەسىنە قاستاندىق جاسالعان ساتتە اناسى قازا تابادى، وسى ساتتەن باستاپ ول ءبىرىنشى حانىم رولىندە بولۋعا ءماجبۇر ەدى.
پاك ءوزىنىڭ ادالدىعىمەن، پرينسيپتىلىگىمەن بەلگىلى. ارىپتەستەرى ايتقانداي، «ول ءوز جاقىندارىن تاستامايدى، ءبىراق وپاسىزدىق جاساعانداردى كەشىرمەيدى».
ونى جەكە تانيتىن ادامداردىڭ سوزىنە سەنسەك، پاك جۇمساق مىنەزدى جان. وڭتۇستىك كورەيا پرەزيدەنتى 5 جىلعا ءبىر مەرزىمگە سايلانادى.
تاريا كاارينا حالونەن - فينليانديانىڭ تۇڭعىش ايەل پرەزيدەنتى. 2001 -جىلدىڭ 1 ناۋرىزىندا پرەزيدەنتتىكتىڭ العاشقى جىلىنىڭ اياقتالۋىنا وراي حالىقتىڭ % 70 ونىڭ جۇمىسىنا وڭ باعا بەردى. 2006 - جىلى ەكىنشى مەرزىمگە سايلاندى. تاريا جۇزۋمەن، بەينەلەۋ ونەرىمەن اينالىسادى جانە مىسىقتاردى جاقسى كورەدى.
انگەلا مەركەل - گەرمانيا تاريحىنداعى ءبىرىنشى ايەل فەدەرالدى كانسلەر. 36 جاسىندا ول گەلمۋت كولدىڭ كابينەتىندەگى ەڭ جاس مينيستر بولدى. Forbes جۋرنالى انگەلا مەركەلدى سوڭعى ءۇش جىلدا ەڭ ىقپالدى ايەل دەپ جاريالادى.
ول ەكى رەت كۇيەۋگە شىققان، بالالارى جوق. نەمىس كوشباسشىسىنىڭ شىن تەگى - كاسنەر. ءوزىنىڭ بۇگىنگى تەگى ول ءبىرىنشى كۇيەۋى فيزيك ۋلريح مەركەلدىڭ تەگى. انگەلا ونىمەن ستۋدەنتتىك جىلدارى تانىستى. مەركەلدىڭ ەكىنشى كۇيەۋى - حيميك يواحيم زاۋەر.
ديلما ۆاننا رۋسسەفف - برازيليانىڭ تۇڭعىش ايەل- پرەزيدەنتى. 2011 -جىلدىڭ 1 - قاڭتارىنان برازيليانىڭ 36- پرەزيدەنتى رەتىندە لاۋازىمىنا كىرىستى. رۋسسەف شۇعىل مىنەزدى ايەل بولىپ سانالادى. ونىڭ ءبىر ءسوزى بار: «مەن، ءالسىز مينيسترلەر قورشاعان كۇشتى ايەلمىن».
ول سولشىل ەڭبەككەرلەر پارتياسىنىڭ مۇشەسى. ديلما ۆاننا رۋسسەفف ماماندىعى بويىنشا ەكونوميست. ول ەكى رەت كۇيەۋگە شىققان، بۇگىنگى تاڭدا اجىراسقان. ەكىنشى كۇيەۋىنەن قىزى بار.
داليا گريباۋسكايتە - ليتۆا تاريحىنداعى تۇڭعىش ايەل-پرەزيدەنت. 2009 - جىلى لاۋازىمىنا كىرىستى. جاقىندا وتكەن سايلاۋدا قايتادان جەڭىسكە جەتتى. ول ليتۆا رەسپۋبليكاسىنىڭ 10-پرەزيدەنتى بولىپ تابىلادى. داليا گريباۋسكايتە كۇيەۋگە شىقپاعان. بالالارى جوق. كاراتەدەن قارا بەلبەۋ يەسى.
el.kz