عالىمدار يامالدا الىپ جەر تەسىگىنىڭ قالاي پايدا بولعانىن انىقتادى - كەسكىن
13:23, 05 - تامىز 2014
استانا. قازاقپارات - عالىمدار شىلدە ايىندا ر ف-نىڭ يامال تۇبەگىندە تابىلعان الىپ جەر تەسىگىنىڭ پايدا بولۋ سەبەبىن انىقتادى. ولاردىڭ پىكىرىنشە، ول قاتىپ جاتقان ماڭگى توڭنان مەتاننىڭ بولىنۋىنەن پايدا بولعان.
شۇڭقىردىڭ پايدا بولۋى تۋرالى جورامالدار ءار الۋان بولدى. الايدا پلەحانوۆ پەن ونىڭ كومانداسى مۇنى 2012 جانە 2013- جىلعى جاز ماۋسىمىندا بولعان جالپى ىستىقپەن بايلانىستى دەپ ەسەپتەيدى.
بۇل كەزدەگى تەمپەراتۋرا ورتا ستاتيستيكالىق كورسەتكىشتەن C5° جوعارى بولدى. ماڭگى توڭ وسىنىڭ اسەرىنەن ەرىپ، مۇزعا قامالعان مەتان ءبولىنىپ شىققان.
ەسكە سالا كەتەيىك، الىپ شۇڭقىردى يامالدا مۇناي جانە گاز وندىرۋشىلەرگە قىزمەت ەتەتىن ۇشقىشتار اڭعارىپتى. ولار بۇل ويىقتى ۆيدەوعا ءتۇسىرىپ، YouTube جەلىسىنە ورنالاستىرعان.