سەرىك جاقسىبەكوۆ استانا قالاسى ءماسليحاتىنان سەنات دەپۋتاتتىعىنا كانديدات رەتىندە ۇسىنىلدى
«ق ر پارلامەنتى سەناتى دەپۋتاتتىعىنا كانديدات رەتىندە استانا قالاسى ءماسليحاتىنىڭ دەپۋتاتى، «نۇر وتان» پارتياسىنىڭ مۇشەسى، «سەسنا» كوپوراتسياسى» ا ق ديرەكتورلار كەڭەسىنىڭ ءتوراعاسى جاقسىبەكوۆ سەرىك رىسكەلدى ۇلىن ۇسىنامىن»، - دەدى كانديداتۋرا ۇسىنۋ تۋرالى ءسوز سويلەگەن ءماسليحات دەپۋتاتى قايرات احمەتوۆ.
بۇل رەتتە قايرات احمەتوۆ كانديداتتىڭ ءومىربايانىنا قىسقاشا توقتالا كەلە، ونىڭ ەلورداداعى تۇڭعىش كاسىپكەرلەردىڭ ءبىرى ەكەنىن، قازىرگى تاڭدا «سەسنا» كورپوراتسياسىنا باسشىلىق جاساپ وتىرعانىن ءمالىم ەتتى. «سەرىك رىسكەلدى ۇلى ءماسليحات دەپۋتاتى رەتىندە دە اعىمداعى جۇمىستارعا ەتەنە ارالاسىپ، سەسسيالاردا بەلسەندىلىك تانىتتى»، - دەدى ول. تالقىلاۋ بارىسىندا قالالىق ءماسليحات س. جاقسىبەكوۆتىڭ كانديداتۋراسىن قولداپ، ءبىراۋىزدان ۇسىنۋ تۋرالى شەشىم قابىلدادى.
ەسكە سالا كەتەيىك، ق ر پرەزيدەنتىنىڭ جارلىعىمەن ق ر پارلامەنت سەناتى دەپۋتاتتارىنىڭ سايلاۋى اعىمداعى جىلعى قازاننىڭ 1 ىنە تاعايىندالدى. سوعان وراي، سەناتور رەتىندە كانديداتتاردى ۇسىنۋ ءماسليحاتتار سەسسيالارىندا، سونداي-اق ءوزىن-ءوزى ۇسىنۋ تارتىبىمەن جۇزەگە اسىرىلادى. بۇدان بولەك، ساياسي پارتيالار مەن قوعامدىق بىرلەستىكتەر ءماسليحاتتارداعى وكىلدەرى ارقىلى ءوز كانديداتتارىن ۇسىنۋ مۇمكىندىگى دە بار.
جاقسىبەكوۆ سەرىك رىسكەلدى ۇلى 1956- جىلى 1- ناۋرىزدا قوستاناي وبلىسى قارابالىق اۋدانى ءبورلى اۋىلىندا دۇنيەگە كەلگەن. 1979- جىلى سەلينوگراد اۋىل شارۋاشىلىعى ينستيتۋتىن (استانا قالاسى) اۋىل شارۋاشىلىعىنىڭ ەلەكتريفيكاتسياسى ماماندىعى بويىنشا، 1997- جىلى - قازاق مەملەكەتتىك باسقارۋ اكادەمياسى جانىنداعى نارىق ينستيتۋتىن حالىقارالىق ەكونوميكالىق قاتىناستار ماماندىعى بويىنشا بىتىرگەن.
سەلينوگراد ەلەكتر جۇيەلەرى كاسىپورىندارىن باسقاردى. قازاقستان ك پ شورتاندى اۋداندىق كوميتەتى ۇيىمداستىرۋ ءبولىمىنىڭ ينسترۋكتورى، اۋداندىق مامانداندىرىلعان شارۋاشىلىق بىرلەستىگى پارتيا كوميتەتىنىڭ حاتشىسى، سەلينوگراد قالالىق اتقارۋشى كوميتەتى ءتوراعاسىنىڭ كومەكشىسى، سەلينوگراد قالالىق اكىمشىلىگى باسشىسىنىڭ كەڭەسشى- كونسۋلتانتى، اقمولا سەليننىي ايماقتىق كەدەنى باستىعىنىڭ ورىنباسارى، ق ر ق م اقمولا وبلىسى بويىنشا كەدەندىك باسقارمانىڭ باستىعى قىزمەتتەرىن اتقاردى. 1997- جىلدان باستاپ 2007- جىلعا دەيىن - «سەسنا» كورپوراتسياسى» ا ق باسقارماسىنىڭ ءتوراعاسى، 2007- جىلدىڭ ناۋرىزىنان - «سەسنا» كورپوراتسياسى» ا ق ديرەكتورلار كەڭەسىنىڭ ءتوراعاسى.
اۆتور: قانات مامەتقازى ۇلى