تاپانشا ۇستاپ سۋرەتكە تۇسەم دەپ، اتىلىپ ءولدى
10:27, 05 - تامىز 2014
استانا. قازاقپارات - جاس مەكسيكالىق وسكار وتەرو اگۋيلار وقتالعان تاپانشامەن سۋرەتكە تۇسپەك بولعان كەزدە ابايسىزدا اتىلىپ ءولدى. بۇل تۋرالى جەرگىلىكتى ب ا ق- قا سىلتەمە جاساپ گازەتا. Ru حابارلادى.
كولىكتەردى، قارۋلاردى جانە ادەمى قىزداردى ۇناتقان 21 جاستاعى مەكسيكالىقتىڭ سۇيىكتى ءىسى - سولارمەن سۋرەتكە ءتۇسۋ بولعان. اگۋيلاردىڭ كورشىلەرىنىڭ سوزىنە قاراعاندا، ولەر الدىندا ول ءوز اۋلاسىندا قولىنا تاپانشانى الىپ جۇرگەن. قارۋدىڭ وقتالعانىن ول بىلمەي قالعان.
سۋرەتكە تۇسەر الدىندا اگۋيلار دوستارىمەن بىرگە «ىشكەن» كورىنەدى. ولاردىڭ ءبىرى ومار ابنەر كامپوس ۆيۆەس قاماۋعا الىندى. كوپشىلىككە ەل پاكو ەسىمىمەن بەلگىلى ەكىنشى دوسى ءىزىن سۋىتىپ ۇلگەرگەن.
مەكسيكالىقتا وقتالعان قارۋ قايدان پايدا بولعانى ازىرگە بەلگىسىز.