بالالارعا ارنالعان جاڭا مۋزىكالىق اسپاپ ويلاپ تابىلدى
09:34, 05 - تامىز 2014
استانا. قازاقپارات - كولۋمبيادا لۋدوفون (ludofono) اتتى جاڭا مۋزىكالىق اسپاپ ويلاپ تابىلدى، ول بالالاردى مۋزىكاعا باۋلۋعا ارنالعان، دەپ حابارلايدى يتار-تاسس.
لۋدوفوندا ۇرلەمەلى، ىشەكتى جانە ۇرىلمالى اسپاپتارىنىڭ بەلگىلەرى توپتاستىرىلعان. ونى ويلاپ تاپقان اۆتوردىڭ پىكىرىنشە، اسپاپتا ءتۇرلى اۋەندەردى ويناۋ ارقىلى جەتكىنشەكتەر وزدەرىنە ەڭ ۇنايتىن اسپاپ ءتۇرىن تاڭداي الادى.
مۇندا ءار نوتا بەلگىلى ءبىر تۇسپەن بەينەلەنگەن، جاڭا اۋەندى ۇيرەتكەن كەزدە وقىتۋشى سول تۇستەرگە سايكەس كەلەتىن جاپسىرمالاردى تاقتادا رەتىمەن ءتىزىپ قويادى. سول ارقىلى بالالار ونى ويناۋدى ۇيرەنەدى.
لۋدوفون جوباسىن 2012- جىلى كولۋمبيا ۋنيۆەرسيتەتىنىڭ ونەركاسىپتىك ديزاين فاكۋلتەتىنىڭ ستۋدەنتى داۆيد ەرناندەس سالاسار ويلاپ تاپقان. بۇل مۋزىكالىق اسپاپ بيىلعى جىلعى شىلدە ايىندا «ديزاين» اتالىمى بويىنشا «امەريكا يننوۆاتسيالارى» جۇلدەسىن يەلەندى.