ورتالىق ازيامەن تانىسۋ ادەبي بايقاۋىنا تاپسىرىستار قابىلدانا باستادى
اتالعان بايقاۋ وسى جىلدىڭ قاراشا ايىندا وتكىزىلەدى.
بۇعان دەيىن قىرعىزستان مەن ۇلى بريتانيادان باستاۋ العان كىتاپ فورۋمى بيىل قازاقستاندا وتەتىن بولدى. ءتورت كۇن ىشىندە استانا مەن الماتى قالاسىندا بەلگىلى جازۋشىلار، ساياساتكەرلەر، ديزاينەرلەر، كينو جانە ب ا ق وكىلدەرىنىڭ قاتىسۋىمەن الۋان ءتۇرلى شارا وتەدى. سەبەبى، بۇل - ورتالىق ازيا ايماعىن ناسيحاتتايتىن بىردەن-ءبىر ادەبي بايقاۋ.
ادەبي سايىس «كوركەم شىعارما»، «ادەبي اۋدارما» جانە «ادەبي شىعارماعا يلليۋستراتسيا» دەگەن ءۇش اتالىم بويىنشا وتپەك. ال وعان قاتىساتىن شىعارمالار ءماتىنى قازاق، ورىس، اعىلشىن، قىرعىز، وزبەك، تاجىك، تۇرىكمەن جانە ءازىربايجان تىلدەرىنىڭ بىرىندە جازىلۋى ءتيىس.
بايقاۋ جەڭىمپازىنىڭ كىتابى اعىلشىن تىلىنە اۋدارىلىپ، لوندوننىڭ كىتاپ جارمەڭكەسىنە ۇسىنىلاتىن بولادى. بيىلعى بايگەگە «بەينەفيلم» اتالىمى دا قوسىلدى. باس جۇلدەگە 17 مىڭ ا ق ش دوللارى تىگىلىپ وتىر.
مامانداردىڭ ايتۋىنشا، مۇنداي فورۋم باتىس وقىرماندارىنىڭ ورتالىق ازيا ايماعىنىڭ مادەنيەتى مەن ادەبيەتىنە دەگەن قىزىعۋشىلىعىن ارتتىرادى.