قازاقستاندا جاڭا جول بەلگىسى پايدا بولماق

استانا. قازاقپارات - قازاقستاندا جول قوزعالىسى ەرەجەلەرىنە «بەينەباقىلاۋ جۇرگىزىلۋدە» دەگەن ءبىرىڭعاي بەلگىنى قوسۋ جوسپارلانۋدا.

قازىرگى كەزدە قر ىشكى ىستەر مينيسترلىگى «استانا Innovations» كومپانياسىمەن بىرگە وسى ماسەلەنى تالقىلاۋدا، دەپ حابارلادى kolesa.kz سايتى.

«ءبىز ءى ءى م-مەن بىرگە جول قوزعالىسى ەرەجەلەرىنە بەلگى ەنگىزۋ ماسەلەسىن پىسىقتاۋدامىز. قازىرگى استانا مەن الماتى قالالارىنداعى جىلدامدىق ولشەۋىشتەر تۋرالى بەلگىلەر ءارتۇرلى. ءبىز ءى ءى م-مەن بىرلەسە وتىرىپ، ءبىرىڭعاي - «بەينەباقىلاۋ جۇرگىزىلۋدە» دەگەن بەلگى ويلاستىرۋدامىز، ونى كورگەن جۇرگىزۋشى بەينەتاسپاعا ءتۇسىرىپ جاتقانىن بىلەدى دە، ءتارتىپ بۇزباۋعا تىرىسادى، بۇل ءتارتىپ بۇزۋشىلىقتىڭ الدىن الۋعا جاقسى»، - دەدى «استانا Innovations» باسقارما ءتوراعاسىنىڭ ورىنباسارى دوسجان دوسىمقۇلوۆ.

ونىڭ ايتۋىنا قاراعاندا، ج ق ە-ىنە ەنگىزۋگە جوسپارلانىپ وتىرعان بەلگى جىلدامدىق ولشەۋ مەن بەينەباقىلاۋ كامەرالارىنا ءبىرىڭعاي بولماق.

بۇدان بۇرىن قازاقپارات حابارلاعانداي، استانانىڭ اۆتوجولدارىنا 694 بەينەباقىلاۋ كامەرالارى، سونىڭ ىشىندە 53 جىلدامدىق ولشەۋىش، توقتاۋ جەلىسى مەن قيىلىستارداعى «قىزىل شامنان» ءوتۋدى تىركەيتىن 11 كامەرا-ينتەگرو ورناتىلعان.