قىتايدا زاۋىتتاعى جارىلىستان قازا تاپقانداردىڭ وتباسىلارىنا وتەماقى تولەنەدى
اگەنتتىكتىڭ اقپاراتتارىنا سايكەس، سوڭعى مالىمەتتەرى بويىنشا 68 ادام قۇربان بولعان اپات تۋرالى ەستىگەن قىتاي كوشباسشىسى وقيعانىڭ ءمان-جايىن ەگجەي-تەگجەيلى تەكسەرۋدى تاپسىرعان.
ال ق ح ر مەملەكەتتىك كەڭەسىنىڭ پرەمەرى لي كىشياڭ ەندى مۇنداي اپاتتى بولدىرماس ءۇشىن ەلدەگى بارلىق كاسىپورىنداردى جوسپاردان تىس تەكسەرۋدى تالاپ ەتكەن.
ەستەرىڭىزگە سالا كەتەيىك، زاۋىتتاعى جارىلىس سەنبى كۇنى جەرگىلىكتى ۋاقىت بويىنشا تاڭعى ساعات جەتى جارىمدار شاماسىندا مەتاللۋرگيا زاۋىتىنىڭ عيماراتتارىنىڭ بىرىندە ورىن العان. بۇل ساتتە كاسىپورىندا 264 ادام بولعان، ولاردىڭ 44 ى وقيعا ورنىندا كوز جۇمعان. ال تاعى 24 ادام اۋرۋحاناعا جەتكىزىلگەن سوڭ قايتىس بولعان. ەندى 137 ادام باسقا قالالارداعى مەديتسينالىق مەكەمەلەرگە جەتكىزىلگەن.
الدىن الا مالىمەتتەر بويىنشا، جارىلىس ءوندىرىس بارىسىندا اۋادا تۇزىلگەن شاڭ-توزاڭنىڭ تۇتانۋىنان ورىن العان.