قازاقستان جاڭا جىبەك جولى بويىنشا حالىقارالىق كۇش بىرىكتىرۋدى قولدايدى
وعان ا ق ش مەملەكەتتىك حاتشىسى كومەكشىسىنىڭ ورىنباسارى فاتەما سۋمار جانە اتالعان ايماقتارداعى ءۇندىستان، پاكىستان، تۇركيا، گرۋزيا، ءازىربايجان، قىرعىز رەسپۋبليكاسى، تاجىكستان مەن وزبەكستان سياقتى مەملەكەتتەردىڭ ەلشىلىكتەرىنەن وكىلدەر قاتىستى.
كەزدەسۋدى اشقان ەلىمىزدىڭ ا ق ش-تاعى ۋاقىتشا سەنىمدى ۋاكىلى ەركىن اقىنجانوۆ قازاقستاننىڭ «جاڭا جىبەك جولىن» (ج ج ج) دامىتۋ مەن وڭىرلىك كولىك ءدالىزى جوبالارىنا قاتىستى قوسقان ۇلەسىنە توقتالىپ ءوتتى.
شاراعا قاتىسۋشىلار سونداي-اق ەلىمىزدىڭ اۋعانستانعا ىزگىلىك جانە تەحنيكالىق كومەك كورسەتۋى، ق ر پرەزيدەنتى ن. نازاربايەۆتىڭ قازاقستان رەسپۋبليكاسىندا ينۆەستيتسيالىق كليماتتى جاقسارتۋ، سونىڭ ىشىندە ا ق ش جانە قازاقستان ەكونوميكاسىنداعى ءىرى ينۆەستور بولىپ تابىلاتىن وزگە دە ەلدەردىڭ ازاماتتارى ءۇشىن ۆيزاسىز ءتارتىپ ەنگىزۋى جونىندە مول ماعلۇماتتار الدى.
ال بيىل ماۋسىم ايىندا قازاقستاندا بولىپ قايتقان امەريكالىق ديپلومات ف. سۋمار ەلىمىزدىڭ ايماقتىق ارىپتەستىكتى نىعايتۋ جولىنداعى سىرتقى ساياسي بەلسەندىلىگىن جوعارى باعالايتىنىن اتاپ ءوتتى. ف. سۋمار ج ج ج باستاماسىن جۇزەگە اسىرۋ باعىتىندا وڭىرلىك ساۋدا، شەكارانى نىعايتۋ، كولىكتىك الەۋەت پەن ەنەرگەتيكالىق سەرىكتەستىككە جاڭا مۇمكىندىكتەر بەرەتىن CASA 1000, تۇركمەنستان-اۋعانستان-پاكىستان-ءۇندىستان جانە تاجىكستان-وزبەكستان-تۇرىكمەنستان-اۋعانستان-پاكىستان سياقتى جوبالاردى جۇزەگە اسىرۋ بارىسىنا توقتالدى.
«جىبەك جولى» ايماعىنىڭ ديپلوماتتارى وڭىرلىك ەكونوميكالىق كورپەراتسيا بولاشاعى جانە ونىڭ قاۋىپسىزدىكتى نىعايتۋ مەن وركەندەۋ ماقساتىنا جەتۋ ماڭىزدىلىعى توڭىرەگىندە پىكىرلەرىمەن ءبولىستى.