مالايزيالىق ۇشاقتىڭ اپات ورنىنا بارعان حالىقارالىق باقىلاۋشىلارعا وق جاۋدىرعان

استانا. قازاقپارات - حالىقارالىق ساراپشىلار جانە ەقىۇ باقىلاۋشىلار توبى مالايزيالىق Boeing-777 قۇلاعان ورىنعا جەتىسىمەن ولارعا بىرەۋلەر وق جاۋدىرعان، دەپ جازادى rosbalt.ru.

ريا «نوۆوستي» تاراتقان اقپاراتقا سۇيەنسەك، ەكسپەرتتەر ءدال قازىرگى ساتتە جۇمىستى جالعاستىرۋ- جالعاستىرماۋ جايىن اقىلداسۋدا. جاپا شەككەندەر جايىندا مالىمەت جوق.

بۇعان دەيىن France-Presse اگەنتتىگى وقيعا ورنىندا بىرنەشە رەت جارىلىس بولدى دەگەن دە حابار تاراتقان.

ەسكە سالا كەتەيىك، امستەردام (نيدەرلاندى) - كۋالا- لۋمپۋر (مالايزيا) باعىتىنداعى Malaysia Airlines كومپانياسىنىڭ «بوينگ 777» ۇشاعى ۋكراينا اۋماعىندا شىلدەنىڭ 17 سىندە اپاتقا ۇشىراپ، ونىڭ بورتىنداعى 298 ادام قازا بولعان ەدى.