فۋتبول قاۋىمداستىعى پرەزيدەنتىنىڭ قازاسىنا بايلانىستى ارگەنتينا چەمپيوناتى كەيىنگە قالدىرىلدى

30- شىلدە كۇنى جۇرەك تالماسى ۇستاعان فەدەراتسيا باسشىسى اۋرۋحاناعا جەتكىزىلگەن. الايدا دارىگەرلەر ونى امان الىپ قالا المادى، بىلىكتى فۋتبول مامانى 83 جاسىندا قايتىس بولدى، دەپ حابارلايدى vesti.kz.

حۋليو گروندونا ارگەنتينانىڭ فۋتبول فەدەراتسياسىن 1979 - جىلدان بەرى باسقارىپ كەلگەن. وسى ۋاقىت ارالىعىندا بۇل قۇراما الەم چەمپيوناتىندا (1986) جەڭىمپاز اتانىپ، ەكى رەت ءمۋنديالدىڭ كۇمىس جۇلدەگەرى (1990, 2014) بولدى. ەكى رەت امەريكا كۋبوگىن (1991, 1993) يەلەنىپ، وليمپيادالاردا (2004, 2008) جەڭىسكە جەتتى. 2011 - جىلى گروندونا توعىزىنشى رەت ارگەنتينا فۋتبول قاۋىمداستىعىنىڭ پرەزيدەنتى بولىپ سايلاندى.