وركەنيەتتەن وقشاۋلانعان ۇندىستەر

استانا. قازاقپارات - بۇعان دەيىن وركەنيەتتەن وقشاۋ ءومىر ءسۇرىپ كەلگەن برازيليالىق ۇندىستەر العاش رەت سىرتقى الەممەن بايلانىسقا شىقتى.

بۇعان دەيىن ولار پەرۋمەن شەكاراداعى اكري شتاتىنىڭ ورماندى القابىندا ءومىر ءسۇرىپ كەلگەن دەپ جازادى Agence France-Presse.

ەنۆيرا وزەنىنىڭ جاعاسىندا اتالعان تايپا وكىلدەرى وركەنيەتتەن مول حابارى بار اشانينك تايپاسىنىڭ وكىلدەرىمەن كەزدەسكەن. سوڭعىلارى العاشقىسىنا ەكى ساباق بانان سىيلاپتى.

عالىمداردىڭ ايتۋىنشا، ۇندىستەردىڭ ورماندى تاستاپ شىعۋىنا ەسىرتكى ساۋداگەرلەرى مەن اعاش كەسەتىن براكونەرلەر سەبەپ بولعان. مۇنى اشانينك تايپاسىنىڭ وكىلدەرى دە راستاپ وتىر.

ولاردىڭ ايتۋىنشا، سوڭعى كەزدە بەلگىسىز ادامداردىڭ تايپالارعا شابۋىلى جيىلەپ كەتكەن. ونىڭ ۇستىنە، وركەنيەتتەن وقشاۋلانعان تايپالىقتار ءجيى تۇماۋمەن جانە ءىش اۋرۋىمەن اۋىرىپ قايتىس بولادى ەكەن.

بۇل حاباردى ەستىگەن برازيليالىق عالىمدار دەرەۋ دجۋنگليگە اتتاندى. ولار اۋرۋعا شالدىققان تايپا وكىلدەرىنە كومەك قولىن سوزباق نيەتتە. ال، جاڭا تابىلعان تايپانىڭ اتاۋى ءالى جوق. جالپى، برازيليانىڭ امازونكا اڭعارىندا وركەنيەتتەن ونشا حابارى جوق 77 تايپا ءومىر سۇرەدى.

Baq.kz