ەلباسى ر ف پرەزيدەنتىمەن قىركۇيەكتە بولاتىن جوعارى دەڭگەيدەگى كەزدەسۋگە دايىندىق بارىسىن تالقىلادى
08:13, 31 - شىلدە 2014
استانا. قازاقپارات - ەلباسى نۇرسۇلتان نازاربايەۆ رەسەي فەدەراتسياسىنىڭ پرەزيدەنتى ۆلاديمير پۋتينمەن تەلەفون ارقىلى سويلەستى.
بۇل تۋرالى اقوردانىڭ باسپا ءسوز قىزمەتىنەن حابارلادى.
اڭگىمەلەسۋ بارىسىندا ەكى ەلدىڭ كوشباسشىلارى ەكىجاقتى ىنتىماقتاستىق جانە ەۋرازيالىق ەكونوميكالىق وداقتى دامىتۋ ماسەلەلەرىن، سونداي-اق قىركۇيەكتە بولاتىن جوعارى دەڭگەيدەگى كەزدەسۋگە دايىندىق بارىسىن تالقىلادى.
مەملەكەتتەر باسشىلارى ۋكرايناداعى احۋال جانە قالىپتاسىپ وتىرعان داعدارىستان شىعۋ جولدارى جونىندە پىكىر الماستى.
قازاقستان پرەزيدەنتى بەيبىت تۇرعىنداردىڭ، ەڭ الدىمەن، ايەلدەر مەن بالالاردىڭ قازا بولۋىنا بايلانىستى الاڭداۋشىلىق ءبىلدىردى جانە قاقتىعىسۋشى ەكى جاق وق اتۋدى دوعارىپ، ۋكراينادا بەيبىت كەلىسسوزدەردى باستاۋ ءۇشىن بارلىق شارالاردى قابىلدايدى دەپ ۇمىتتەنەتىنىن ايتتى.