شىمكەنت تۇرعىنى جانارماي ۇنەمدەيتىن اسپاپ ويلاپ تاپتى
حۋريات يريسمەتوۆ - شاعىن ەلەكتروليزەردىڭ اۆتورى.
ول - ىشتەن جاناتىن قوزعالتقىشتى گازبەن قورەكتەندىرەتىن اسپاپ.
ونەرتاپقىشتىڭ ايتۋىنشا، ونىڭ ەلەكتروليزدەرى وتىن شىعىنىن جۇك كولىكتەرى مەن اۆتوبۋستار ءۇشىن 10-20 پايىزعا تومەندەتۋگە قابىلەتتى. قوندىرعىنىڭ جاقسى جاعى - ول گازدىڭ ءيىسىن تازالاۋعا قابىلەتتى، بۇل قورشاعان ورتاعا وڭ اسەر ەتەدى.
ح. يريسمەتوۆتىڭ ونەرتابىسى تازارتىلعان سۋمەن جۇمىس ىستەيدى. ەندى ول مەملەكەتتەن «بيزنەستىڭ جول كارتاسى-2020» باعدارلاماسى بويىنشا گرانت الۋدى جوسپارلاۋدا. ءوز جوباسىن يننوۆاتسيانى قولداۋ جانە دامىتۋ ورتالىعىنا ۇسىندى.
ورتالىق ماماندارى ونىڭ ومىرشەڭدىگىن راستادى. يننوۆاتسيالىق جوبالار ءبولىمىنىڭ باستىعى ادىلەت ءپىرىمقۇلوۆتىڭ ايتۋىنشا، مۇنداي ازىرلەمە شەتەلدە دە بار، ءبىراق مۇنىڭ شەتەلدىك انالوگتان ەرەكشەلىگى 15 ەسەگە ارزان.
قازىر ورتالىق ماماندارى شىمكەنتتىككە باعدارلاما بويىنشا مەملەكەتتىك گرانت الۋ ءۇشىن قۇجاتتار جيناۋعا كومەكتەسۋدە.