قىتاي ءوز «اۆاتارىن» تۇسىرەدى

استانا. قازاقپارات - قىتايلىق Century Media كومپانياسى «Bainiaoyi» جاڭا D3- ءفيلمىن تۇسىرمەك. ول دجەيمس كەمەروننىڭ «اۆاتارىمەن» باسەكەلەسۋى مۇمكىن، دەپ حابارلادى «شينحۋا» اگەنتتىگى.

تۋىندىنىڭ تۇساۋكەسەرى 2016 - جىلعا جوسپارلانىپ وتىر.

فيلم قىتايلىق سچۋان ەتنيكالىق ازشىلىعىنىڭ فولكلورى نەگىزىندە تۇسىرىلمەك. گۋكا ەسىمدى جاس جىگىت سيقىرلى كيىم - bainiaoyi تابۋعا تىرىسادى. وسى كيىمنىڭ كومەگىمەن عانا سچۋان حالقىن مازالاپ جۇرگەن زۇلىم ايداھاردى جەڭۋگە بولادى.

 «ماقساتىمىز - «اۆاتارعا» باسەكەلەس بولاتىن ەپيكالىق شىعىس فەنتەزيىن قۇرۋ»، - دەدى Century Media Company باس مەنەدجەرى چجاو سونگ.

فيلم 2015 - جىلدىڭ مامىرىندا قىتايدىڭ وڭتۇستىگىندە تۇسىرىلە باستايدى. وعان «اۆاتار» جانە «كاريب تەڭىزىنىڭ قاراقشىلارى» فيلمدەرىمەن جۇمىس ىستەگەن رەجيسسەرلەر جۇمىلدىرىلماق. سونداي-اق، «تەرميناتور 2» جانە «ايداھاردى قالاي ىرىققا كوندىرۋگە بولادى» ءمۋلتفيلمىنىڭ سەناريشىسى تارتىلادى.