ەلباسىنىڭ وكىمىمەن ق ر س ءى م جاۋاپتى حاتشىسى تاعايىندالدى
09:14, 29 - شىلدە 2014
استانا. قازاقپارات - مەملەكەت باسشىسى نۇرسۇلتان نازاربايەۆتىڭ وكىمىمەن اناربەك باقتىعازى ۇلى قاراشيەۆ قازاقستان رەسپۋبليكاسى سىرتقى ىستەر مينيسترلىگىنىڭ جاۋاپتى حاتشىسى قىزمەتىنە تاعايىندالدى.
بۇل تۋرالى اقوردانىڭ باسپا ءسوز قىزمەتىنەن حابارلادى.
اناربەك باقتىعازى ۇلى قاراشيەۆ 1965 - جىلى 25- ناۋرىزدا شىعىس قازاقستان وبلىسى ءۇرجار اۋدانىندا دۇنيەگە كەلدى. قازاق مەملەكەتتىك ۋنيۆەرسيتەتىن (ءال- فارابي اتىنداعى قازاق ۇلتتىق ۋنيۆەرسيتەتى)، گەرمانيا فەدەراتيۆتىك رەسپۋبليكاسى سىرتقى ىستەر مينيسترلىگى جانىنداعى ديپلوماتيالىق كۋرستى بىتىرگەن.
قازاقستان رەسپۋبليكاسىنىڭ ماينداعى فرانكفۋرت قالاسىنداعى (گ ف ر) باس كونسۋلى قىزمەتىن اتقارعان. 2008 - جىلدان باستاپ قازاقستان رەسپۋبليكاسىنىڭ چەح رەسپۋبليكاسىنداعى توتەنشە جانە وكىلەتتى ەلشىسى، قازاقستان رەسپۋبليكاسىنىڭ سلوۆاكيا رەسپۋبليكاسىنداعى توتەنشە جانە وكىلەتتى ەلشىسى قىزمەتىن قوسا اتقارۋشىسى قىزمەتىن اتقارعان.