قازاقستان «تۋر دە فرانستىڭ» العاشقى كەزەڭدەرىن وتكىزۋگە نيەت تانىتىپ وتىر
08:55, 29 - شىلدە 2014
استانا. قازاقپارات - قازاقستان ۆەلوسپورت فەدەراتسياسىنىڭ پرەزيدەنتى قايرات كەلىمبەتوۆ قازاقستاننىڭ 2020 - جىلعا دەيىن «تۋر دە فرانس» كوپكۇندىگىنىڭ العاشقى كەزەڭدەرىن وتكىزۋ مۇمكىندىكتەرى تۋرالى كەلىسسوزدەر جۇرگىزە باستاۋعا نيەتتى ەكەنىن ءمالىم ەتتى.
بۇل تۋرالى sports.kz حابارلايدى.
«تۋر دە فرانس» كوپشىلىكتىڭ كوڭىلىن اۋدارعان اۋقىمدى وقيعا بولدى. ءبىز مۇنداي ايتۋلى جارىستىڭ قازاقستاندا دا وتكەنىن قالايمىز. يوركشير بۇعان ءۇش جىل بويى دايىندالدى، ءبىز دە مۇنداي جارىستى وتكىزە الامىز دەپ ويلايمىن»، - دەدى ق. كەلىمبەتوۆ.
ەستەرىڭىزگە سالا كەتەيىك، بيىلعى جىلى اتالمىش ۆەلوجارىستىڭ العاشقى كەزەڭدەرى انگليانىڭ يوركشير ايماعىندا وتكەن بولاتىن.