قىزدار جىگىت تاپقانعا دەيىن
جانە ول دۇرىس ايتادى. ازىرگە ءوزىڭدى كۇتىپ، ءوز راحاتىڭا ءومىر سۇرە تۇر.
ويتكەنى كەيىن، جىگىتىڭ بولعاندا، ونداي مۇمكىندىك تۋماۋى دا مۇمكىن.
جىگىتتەرمەن دوس بول
قانشا جەردەن جىگىتپەن قىزدىڭ اراسىندا دوستىق بولمايدى دەگەنىمەن، جىگىتتەر تاماشا دوس ءارى اڭگىمەشىل ەكەنى راس. ولارمەن دوس بولۋ ارقىلى جىگىتتەردىڭ مىنەز-قۇلقىن، ويلارىن، بولمىسىن تانۋعا تاماشا مۇمكىندىك تۋادى. ناعىز دوس جىگىتتەر قيىن-قىستاۋ كەزدەردە كومەككە اسىعىپ، اۋىر سومكەلەرىڭدى كوتەرىسۋگە، اۋىلعا شىعارىپ سالۋعا، كۇتىپ الۋعا دايار. مۇنداي دوستاردان اينالىپ كەتەسىڭ عوي. ءبىراق جىگىت پايدا بولا سالىسىمەن ولارمەن قارىم-قاتىناستى شەكتەۋگە تۋرا كەلەدى.
2. دوستارىڭمەن قالاعانشا ۋاقىت وتكىز
ويتكەنى كەيىن جىگىتىڭ % 100 ۋاقىتىڭدى الادى. ەڭ مىقتى دوستىقتىڭ ءوزى قارىم-قاتىناس باستالعان سوڭ كۇيرەۋگە ۇشىراپ جاتادى. سوندىقتان باسىڭ بوس كەزدە قۇربىلارىڭمەن كوڭىل كوتەر، قىدىر.
3. «جوق» دە!
جالعىز بولساڭ دا، بۇل كەز كەلگەن كوڭىل بىلدىرگەن جىگىتپەن كوڭىل جاراستىرۋ كەرەك دەگەن ءسوز ەمەس. جانە ەگەر جىگىت ۇناماسا، اينالاڭداعىلار قانشا جەردەن ونىمەن كەزدەسۋگە بار دەپ ۇگىتتەسە دە، باس تارت. «جوق» دەۋ كەرەك كەزدە «جوق» دە. جانە ەشتەڭەدەن قورىقپا.
4. اقشا جينا
بالكىم، بۇل ءبىرتۇرلى كورىنەر، ءبىراق قارىم-قاتىناستا بولۋ - ۇلكەن شىعىن. ونداي كەزدە ءار مەيرامدى ەلەپ، ەسكەرىپ، جاقسى سىيلىقتار دايىنداۋىڭ كەرەك بولادى.
5. ۇزىن-سونار تەلەحيكايالاردى كورىپ ال
ويتكەنى ونىمەن سەنىڭ مۇنداي مۇمكىندىگىڭ بولمايدى. بولسا دا، باسىن باستاپ، سوڭىنا دەيىن كورۋىڭ ەكىتالاي. بىرىنشىدەن، ول سەنىڭ ۋاقىتىڭ تەلەحيكايامەن وتكەنىن قالاماۋى مۇمكىن، ەكىنشىدەن، ءوزىڭنىڭ دە ۋاقىتىڭ بولماۋى مۇمكىن.
6. ساياحاتقا اتتان
ەگەر جاسىڭ 18 گە تولسا، ۇيدە وتىرۋعا سەبەپ جوق سياقتى. ال ەگەر ستۋدەنت بولساڭ، وقۋ ورنىڭ شەتەلدە ءبىلىم الۋعا قانداي باعدارلامالار ۇسىناتىنىن ءبىل. جانە ەشكىمنىڭ الدىندا جاۋاپ بەرۋدىڭ قاجەتى بولمايدى. جاي عانا ومىردەن ءلاززات ال.
7. ءوزىمشىل بولا تۇر
قارىم-قاتىناستا بولۋ دەگەنىمىز ءاردايىم مامىلەگە كەلىپ، تۇسىنىستىكپەن قاراۋ. بىلايشا ايتقاندا، سەن ونىمەن ءوزىمشىل بولىپ، قالاعانىڭدى ىستەي المايسىڭ. سوندىقتان وسى ءساتتى پايدالان. ويتكەنى قازىر ساعان ەشكىمگە ەشتەڭە ءتۇسىندىرۋ قاجەت ەمەس. جانە وزگەلەر سەن جايلى نە ويلايتىنى دا ماڭىزدى ەمەس.
8. قالاعان كيىمىڭدى كي
يىعى اشىق توپ نەمەسە ادەمى اياقتارىڭدى كورسەتەتىن شورتى كيۋ - قازىر ءسوز ەمەس. ءبىراق جىگىتىڭ بۇل كيىمدەرگە شەكتەۋ قويۋى ابدەن مۇمكىن. سوندىقتان شەكتەن شىقپايتىن، ءبىراق وزىڭە جاراسىمدى كيىمدەردى كيىپ، سۇلۋلىعىڭنان ءلاززات الاتىن ءدال ۋاقىت.
9. تاماق جاساپ ۇيرەن
ءيا، ءيا، جىگىتسىز ءجۇرۋ دەگەنىمىز ءبىرىڭعاي جالقاۋلىققا سالىنۋ دەگەندى بىلدىرمەيدى. كەيدە مازىرلەردى اقتارىپ، وزىڭە ۇناعان تاماقتاردى جاساپ، ۇيرەنە بەرۋ كەرەك. جىگىت پايدا بولا سالىسىمەن، ونى قانداي ەرەكشە تاعامىڭمەن قۋانتا الاسىڭ؟ سوندىقتان بارىنە دايىن بولۋ - ءبىزدىڭ باستى قاعيدامىز. سونىمەن قاتار، كەيىن ديەتاعا وتىرىپ، ءدامدى تاعامداردى قالاعانىڭشا جەي الماۋىڭ دا مۇمكىن.
10. جالعىزبىن دەپ ۋايىمداۋدى دوعار
ويلانىپ قاراساق، جالعىز بولۋدىڭ دا كوپتەگەن پايداسى بار ەكەنىن اڭعارامىز. سوندىقتان ۋايىمعا سالىنىپ، ءوز ءومىرىڭدى تۇككە تۇرعىسىز ەتۋدى دوعار. ءوز-وزىڭمەن باقىتتى بولۋدى ۇيرەن!