قازاقستان مەن قىتايدىڭ ەڭ ۇزدىك كيكبوكسشىلارى اراسىندا جولداستىق كەزدەسۋ ءوتتى
10:31, 27 - شىلدە 2014
استانا. قازاقپارات - قازاقستان مەن قىتايدىڭ ەڭ ۇزدىك كيكبوكسشىلارى استانا قالاسىندا كەزدەستى. جولداستىق جەكپە-جەكتەر قوس قۇرامانىڭ شەبەرلىگىن شىڭداپ، بىلىكتىلىكتەرىمەن بولىسۋگە ارنالعان.
باعدارلاما بويىنشا شارشى الاڭعا 7 سپورتشىدان شىعىپ، ءوزارا مىقتىنى انىقتادى.
ال جارىس اياعىندا اتى الەمگە ايگىلى شاولين شەبەرى ليۋ ليۋن ونەر كورسەتىپ، شارانى شوۋعا اينالدىردى.
ايتا كەتەيىك، قوس قۇراما اراسىنداعى جولداستىق كەزدەسۋ ءبىرىنشى رەت ءوتىپ وتىر. ەندى وسى كيبوكسشىلار الدا كەلە جاتقان الەم چەمپيوناتىنا دايىندالادى.
تاستانبەك ەسەنتايەۆ، ق ر سپورت جانە دەنە شىنىقتىرۋ اگەنتتىگىنىڭ ءتوراعاسى:
- بۇگىنگى كەزدەسۋ قوس قۇراما مەن ەكى ەل اراسىنداعى ىنتىماقتاستىقتى بەكىتە تۇسەتىنە سەنىمدىمىن. سپورتشىلارعا تەك ساتتىلىك تىلەيمىن. الداعى الەمدىك دودادان تەك التىن جۇلدەمەن ورالىڭدار.
24.kz